ФАКТОР НА ДЕНОТ: Нови жртви и продолжен полициски час во цела Македонија

ПРОДОЛЖЕН ПОЛИЦИСКИ ЧАС ВО ЦЕЛА МАКЕДОНИЈА

Премиерот Оливер Спасовски денеска на прес-конференција соопшти дека е донесена одлука за продолжување на полицискиот час на цела држава. 

Од 16 часот до 5 часот наредниот ден нема движење. 

За време на викендот нема движење од петокот до понеделникот на територија на цела држава. 

Построги мерки има за старите над 67 години и за младите до 18 години. 

Се забранува движење во групи, освен за родители со деца. 

„За земјоделските активности дозволиво е движењето во атарот на селата исклучиво за работни потреби“, рече Спасовски. 

Ова стапува на сила од среда. 

БАБАТА НА ПЕНДАРОВСКИ НЕГАТИВНА

Готови се резултатите од тестот за коронавирус од мајката на сопругата на претседателот на државата, Стево Пендаровски. 

„Брисот беше земен посмртно, откако г-ѓа Ѓоргиевска (71) почина вчера на Клиниката за пулмологија во Скопје, како резултат на влошување на општата здравствена состојба предизвикана од хронична болест, поради која повеќе од една година беше со исклучително тешка клиничка слика“, наведуваат од кабинетот на Пендаровски.

КОЧАНИ СТРАВУВА ЗА СТОТИЦИ ЗАРАЗЕНИ

Почина лицето коешто беше евидентирано како прв случај во Кочани, заразен од коронавирусот, потврди денеска градоначалникот на општината Николчо Илијев.

Станува збор за човек кој има само 40 години. Т

„Изразувам длабоко жалење и упатувам сочувство до семејството на починатиот. Жалам што болеста која го тресе светот однесе млад живот и остави болна празнина во нашата средина, ненадоместлива за најблиските.
Повикувам да не се создава паника, туку смирено, свесно и дисциплинирано сите да се придржуваме кон пропишаните мерки, кои се суштински за спречување на заразата, вели градоначалникот.

СТИГНА ПОМОШ ОД УНГАРИЈА

Петер Сијарто, министерот за надворешни работи на Унгарија, претпладнево допатува со карго-авион во Скопје со помош за Македонија за време на справувањето со епидемијата предизвикана од корона вирусот, а го пречека техничкиот министер за внатрешни работи Наќе Чулев заедно со вицепремиерот за евроинтеграции Бујар Османи.

ЧИТАЈТЕ УШТЕ

Куманово викендот го помина во карантин со цел да се спречи ширењето на заразата со Ковид 19.

Берзанскиот индекс МБИ10 расте веќе неколку дена по ред. Откако на 27 март минатиот месец тој ја доживеа најниската вредност во овој период, од 3.256,2 поенти, во изминатите неколку дена тој постојано оди по нагорна линија. 

Агенцијата за електронски комуникации ќе ја троши заштедата од повеќе од 7 милиони евра собрана од претходните години за да помогне во борбата со економската штета предизвикана од корона вирусот. 

Тоа значи дека безмалку заедно ќе се потрошат 16 милиони евра.

Нема никаква потреба граѓаните што имаат штедни влогови во денари, нив да ги менуваат во евра, советуваат од Народна банка на Македонија. 

Во текот на овој месец доспеваат првите негативни резултати врз реалниот сектор од пандемијата на COVID 19. 

Во услови на видно намалена економска активност заради откажани или намалени нарачки и намалена побарувачка за стоки и услуги фирмите треба да ги платат ратите на кредитите.

Каматните стапки за граѓаните за постојните кредити, односно оние кои веќе ги отплаќаат кон банките, нема да се променат. 

Ова важи и за каматите на кредитните картички и за минусите на тековните сметки, кои веќе им се одобрени и ги користат граѓаните.