ФАКТОР НА ДЕНОТ: Нови жртви на коронавирусот, а Филипче, Спасовски и Димитриевски повторно негативни

Добивај вести на Viber

КОРОНАТА ОДНЕСЕ НОВИ ЖРТВИ 

Во Македонија има уште 38 излекувани пациенти од Ковид 19.

Со тоа вкупната бројка на оздравени е 627. 

Ова го соопштуваат од Министерството за здравство.  38-те оздравени пациенти се во Скопје-19, Тетово-3, Струга-9, Битола-4 и Гостивар-3.

Има и двајца починати. 

Во изминатите 24 часа направени се 279 тестирања, а потврдени се 21 новозаболени и тоа во Скопје-8, Куманово-6, Прилеп-4, Струга-1, Тетово-1, Пехчево-1.

ФИЛИПЧЕ, СПАСОВСКИ И ДИМИТРИЕВСКИ ПОВТОРНО НЕГАТИВНИ НА КОВИД 19

Министерството за здравство информира дека и вториот резултат од тестирањето на министерот за здравство Венко Филипче е негативен на коронавирус.

„Денеска го добив резултатот од мојот втор тест на ковид-19, кој исто како и првиот е негативен на вирусот. Со ова, практично, завршува мојата 14-дневна изолација која ја спроведов на сопствена иницијатива и покрај тоа што епидемиолозите не сметаа дека сум во ризик. Во изминатите две недели сите мои работни обврски ги извршував од изолација и одржував редовни онлајн состаноци со Комисијата за заразни болести, лекарите во здравствените установи, колегите во владата и медиумите и се функционираше беспрекорно. Од денеска продолжувам со вообичаениот начин на работа во Министерството за здравство. Продолжувам да управувам со сите активности на министерството и ситуацијата со коронавирусот во земјата. Им благодарам на сите за поддршката“, потенцираше министерот Филипче.

И вториот тест на коронавирус на премиерот Оливер Спасовски е негативен, соопштија од Владата. 

Градоначалникот на Куманово, Maксим Димитриевски излегува од изолација, бидејќи на вториот тест е негативен.

ЖЕНА НА ВОЗРАСТ ОД 85 ГОДИНИ СЕ ИЗЛЕЧИ ОД КОРОНА

Најстариот оздравен пациент од Ковид-19 во Македонија е 85-годишната Елена Макалоска од Прилеп. Жената денеска ја напушти болницата и замина од инфективното одделение. Претходно се сликаше со персоналот на болницата, луѓето кои се грижеле за неа. 

АНГЕЛОВСКА СЕ ОГЛАСИ ПО ОДЛУКАТА НА УСТАВЕН ЗА ПЛАТИТЕ

Сега ќе треба од друго место да се најдат, односно од буџетот да се пренаменат тие 4 милиони евра што беа заштедени на расходната страна со кратењето на функционерските плати, изјави првата финансиерка, Нина Ангеловска по вчерашната Одлука на Уставниот суд.

Таа смета дека уште на стартот, требало да бидат солидарно намалени сите плати на вработените во јавниот сектор.

„Јас го кажав моето мислење како министер за финансии и како човек дека сите треба да понесеме солидарен дел од товарот. Тоа значи дека сметам дека треба и администрацијата да понесе дел од товарот кој го носи и приватниот сектор и вработените во приватните компании, а кои всушност го полнат буџетот“, рече Ангеловска.

УНИВЕРЗИТЕТ ОД СИНГАПУР ИЗЛЕЗЕ СО ПРОГНОЗА КОГА ЌЕ ЗАВРШИ КРИЗАТА

Коронавирусот од Македонија си оди 99 oтсто на 22 мај, а целосно на 16 јуни. 

Сингапурскиот универзитет за технологија и дизајн ова го наведува во извештај за тоа кога епдиемијата со Ковид 19 ќе заврши. 

ЧИТАЈТЕ УШТЕ

Се подготвуваа да добијат минималец од 14.500 денари, но сепак, нивните банкарски сметки нема да бидат олеснети. И овој месец ќе им легне полниот износ на платите што досега ги земаа, а тие се повисоки од 1.000 евра.

Големи се шансите откако ќе заврши корона кризата, и Италија целосно ќе се нормализира, земјата да нуди пониски цени за туристите.

Државниот земјоделски инспекторат под водство на Зоран Шапуриќ доделил 288 парични казни, од кои речиси пола во рибарството, во минатата година.

Дали приоритет на „Макошпед“ е да го зајакне своето гласачко учество во „Фершпед“ каде и сега е најголем акционер и поседува 12,9 отсто? 

Овие денови на Институтот за трансфузиона медицина се очекува првиот донор на крвна плазма, со што и во нашава земја почнува ерата на современо лекување на инфицираните со Ковид-19.