ФАКТОР НА ДЕНОТ: Обвинетите не се чувствуваат виновни за убиствата на Вања и Панче, за Палeвски случајот е политичка наредба
Објавено во: Македонија 20 Септември, 2024
ОБВИНЕТИТЕ ЗА ДВОЈНОТО УБИСТВО НА ВАЊА И ПАНЧЕ НЕ СЕ ЧУВСТВУВААТ ВИНОВНИ
Првообвинетиот за двојното убиство на Вања Ѓорчевска од Скопје и Панче Жежовски од Велес, Љупчо Палевски, денеска, во Основниот кривичен суд се произнесе дека не се чувствува виновен и дека Основното јавно обвинителство извршува политичка наредба.
Палевски кажа дека во постапката како докази се ставени повеќе од 100 ДНК траги, а дури деведесет проценти од неговите приложени докази се користат против него.
„На 1 декември имам јавна објава на мојот Фејсбук профил, каде сум, што правам и така натаму. Во хотелот се пријавив и одјавив регуларно со моја патна исправа и тргнав на пат за да направам магнетна резонанца на мојата кичма, бидејќи 70 проценти од мојата кичма не е во функција. После 10 месеци, од моите приложени докази, обвинителството ги злоупотребува и МВР Форензика по наредба на обвинителството изготвува материјални докази. Не може да ме убеди обвинителството дека нема наредба за политичко монтирано судење, затоа што многу добро знае обвинителството. Како тоа не можеле да ја видат целосната слика за овој кривичен настан, па дури на 20 мај мојата ДНК е ставена во систем“, рече Палевски.Адвокатот на таткото на Вања, Владимир Туфегџиќ по судењето во изјава за медиумите вели „обвинението се темели токму на доказите кои ги прибавил Александар“.
ШАРЛ МИШЕЛ ВЕЛИ ДЕКА ИМА МОЖНОСТ МАКЕДОНИЈА ДА СЕ ПРИКЛУЧИ НА ЕУ
Со сегашниот моментум во проширувањето на Европската Унија, Република Северна Македонија има реална можност да напредува на патот кон ЕУ и да се приклучи на нашето семејство, наведе претседателот на Европскиот совет, Шарл Мишел во објава на Икс посветена на неговата вчерашна средба со премиерот Христијан Мицкоски во Брисел.
- Ја поздравувам геостратешката ориентација и посветеност на Северна Македонија за членство во ЕУ, наведе Мишел.
Тој во објавата додава и дека сега е клучно да се спроведат обврските од минатото, да се почитуваат правно обврзувачките договори и решително да се продолжи со реформите поврзани со ЕУ.НА ГЛАВЧЕВ НЕ МУ СЕ ДОПАЃА „ТОНОТ“ НА МАКЕДОНИЈА
Сметам дека тонот кој го користи Република Северна Македонија нема да и помогне да стане членка на Европската Унија, изјави денеска во Софија бугарскиот технички премиер Димитар Главчев.
-Бугарија е предвидлив партнер, лојален на ЕУ. Нема со што да ги изненадивме останатите земји-членки. Го поддржуваме проширувањето и европските перспективи на земјите од Западен Балкан. Доволно компромиси направивме со националниот идентитет. Република Северна Македонија едноставно треба да ги исполни барањата на ЕУ, изјави Главчев.ДО 31 ОКТОМВРИ ЌЕ БИДАТ НАМАЛЕНИ ЦЕНИТЕ НА 73 ПРОИЗВОДИ
Владата на денешната седница донесе одлука за намалување за ограничување на цените на 73 прехранбени производи кои се најзастапени во маркетите. Нивната профитна маржа се ограничува на 10 отсто во трговијата.
- Одлуката е донесена врз основа на индексот на трошоците за живот од Заводот за статистика во споредба со цените од декември 2023, објави денеска министерот за економија Бесар Дурмиши.ЧИТАЈТЕ УШТЕ
фото Вангел Тануровски
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ШИЛЕГОВ СПОДЕЛИ РАДОСНА СЕМЕЈНА ВЕСТ: Тој е горд татко на дипломката Симона Шилегова
Во Клиника Жан Митрев повторно успешно примената наградуваната метода за хирургија без рез
МАКЕДОНСКИ АВТОБУС ЗАГЛАВИ ВО СНЕЖНИТЕ НАНОСИ ВО СРБИЈА, УДРИЛ ВО БАНКИНА: Невремето со снег направи хаос
ПУСТОШ ВО ДЕБАР, БИТОЛА, ШТИП, ВЕТРОТ ОТКОРНА 100-ГОДИШНИ ДРВЈА: Неделава со поларни температури
МИЦКОСКИ: Ќе излеземе со нов предлог-проект за набавка на 100-120 електрични автобуси кои нема да бидат само за ЈСП
ФАКТОР НА ДЕНОТ: Се одржа протест поради проблемите со јавниот превоз во Скопје
ВЕЧЕРВА ПОЛЕСНО СЕ ДИШЕ: Куманово и Струмица се средно загадени
ПО ШТИП, НА УДАР И БИТОЛА: Силниот ветер направи штети
ОШТЕТЕН ПОКРИВ НА УЧИЛИШТЕ И ПАДНАТИ ДРВЈА: Силен ветер направи хаос во Штип
