ФАКТОР НА ДЕНОТ: Oд коронавирусот починаа 35 луѓе, меѓу кои и 28 годишен охриѓанец

Добивај вести на Viber

УШТЕ 35 ЖРТВИ НА КОРОНАВИРУСОТ ВО МАКЕДОНИЈА

Министерството за здравство информира, согласно податоците од Институтот за јавно здравје:

Во последните 24 часа се направени 3.246 тестирања, а регистрирани се 734 нови случаи на КОВИД-19 во:

Скопје – 313, Битола – 75, Куманово - 46, Прилеп – 38, Тетово – 36, Велес – 34, Гостивар – 26, Охрид – 24, Струмица – 22, Кавадарци – 19, Штип – 17, Кочани – 14, Гевгелија и Виница – по 10, Кичево и Неготино – по 9, Ресен – 8, Берово – 4, Радовиш, Делчево и Валандово – по 3, Свети Николе, Богданци и Дојран – по 2, Струга, Крива Паланка, Дебар, Кратово и Македонски Брод – по 1.

Регистрирани се 621 оздравени пациенти од:

Скопје – 330, Кавадарци – 40, Велес – 37, Тетово – 29, Штип – 25, Неготино – 21, Гостивар – 19, Битола – 18, Гевгелија – по 14, Куманово и Кочани – по 13, Демир Капија – 10, Пробиштип и Кичево – по 9 , Свети Николе – 8, Берово – 7, Пехчево – 6, Ресен – 4, Богданци – 3, Прилеп и Кратово – по 2, Виница и Демир Хисар – по 1 .

ЕКС ГРАДОНАЧАЛНИК ПОЧИНА ОД КОРОНА

Поранешниот градоначалник на Демир Капија, Трајче Димитриев почина од Ковид-19. 

Димитриев во два наврата по два мандата раководеше со демиркаписката општина. Тој беше на 63 годишна возраст. Оваа информација за МИА ја потврдија негови блиски и Петар Мојсов, поранешен претседател на демиркапискиот Совет на општина.

ВОЗ ПРЕГАЗИ МОМЧЕ КАЈ ВЕЛЕС

Возoт кај Велес усмрти младо момче. 

Воз кој сообраќа на релација Гевгелија – Скопје, денеска околу 11:40 часот во Велес, пред новиот мост „Гемиџии“ прегазил 21-годишно момче, потврдуваат за МИА од СВР Велес.

СНЕЖНИ ВРНЕЖИ ВО МАКЕДОНИЈА

Застој има на дел од патните правци во Пијанечко-малешевскиот регион. 

Обилните снежни врнежи предизвикаа застој на дел од патните правци во Пијанечко-малешевскиот регион. Застој е регистриран на регионалниот пат Пехчево – Делчево. Да се внимава на потегот од село Тработивиште до село Панчарево, каде има појава на одрони. Врнежи од снег и снежна покривка има во во Дебар. 

Дебелината на снежната покривка во пониските населени места е неколку сантиметри додека во повисоките таа е над 10-тина и повеќе сантиметри. 

foto freepik