ФАКТОР НА ДЕНОТ: Од Ковид 19 починаа четири луѓе, за Велигден четири дена во карантин

Добивај вести на Viber

ЧЕТИРИ ЛИЦА ПОЧИНАА ОД КОРОНАВИРУС

Во изминатото деноноќие се потврдени само 26 нови случаи на Ковид 19. Во Скопје се регистрирани само четири, а најмногу има во Куманово - вкупно 11. Останатите се 4 од Тетово, 3 од Прилеп, 2 од Велес и по еден од Кочани и Пробиштип.

На Клиниката за инфективни болести и фебрилни состојби починаа 4 пациенти; пациентка од Скопје (79г), пациент од Велес (58г), пациент од Прилеп (67г) и уште еден пациент од Скопје (63г).

ЗА ВЕЛИГДЕН ЌЕ БИДЕМЕ ВО КАРАНТИН

Забрането движење за време на следниот викенд вклучително и понеделник - одлучи Владата на денешната седница. Впрочем полицискиот час почнува од петок 17 април во 16 часот, до вторник 21 април во 05 часот. Во тој период се забранува движењето за сите граѓани, објави премиерот Оливер Спасовски

Останува активна забраната за движење за сите граѓани на ниво на целата територија, секој работен ден, од понеделник до петок, од 16:00 часот до 05:00 часот наредниот ден.

Дополнително, од четврток 16 април 16 часот, до вторник 21 април 05 часот, се забранува движење на сите излетнички места, паркови и шуми низ целата држава.

За лицата над 67 годишна возраст останува активна забраната во текот на сите работни денови, од понеделник до петок, освен во периодот од 10:00 до 12:00 часот. Во понеделник, 20 април, за овие граѓани има целосна забрана.

За сите лица до 18 години останува активна забраната за движење во текот на сите работни денови, од понеделник до петок, освен во периодот од 13:00 до 15:00 часот. 

Во понеделник, 20 април, за овие лица има целосна забрана.

ЗАВРШИ КРИЗНАТА СОСТОЈБА ВО ДЕБАР И ЦЕНТАР ЖУПА

Се укинува кризната состојба за двете општини во Западна Македонија, Дебар и Центар Жупа. 

Во овој дел од Македонија веќе 10 дена нема нови дијагностицирани со Ковид 19.

Кризната состојба беше воведена на 13 март, но денес Владата одлучи дека не е потребно продолжување.

Имаше вкупно 49 инфицирани, од кои 16  се излечени, 4 се починати, а за 8 се чекаат резултатите од второто тестирање. 

ЧИТАЈТЕ УШТЕ

Цементарница УСЈЕ е една од најуспешните домашни компании, а годинава на располагање на акционерите се ставени 21,6 милиони евра со можност да бидат распределени како дивиденда. 

Ако се одлучат, дивидендата ќе биде 2.360 денари бруто по акција што е 56 отсто повеќе од 2018 година!

Сточарите во Македонија се разочарани од цената за откуп на јагнето.

Опција да се зголеми приходот во буџетот, но уште повеќе да се среди хаосот со употребата на екстралесното гориво како погонско гориво што има негативен еколошки аспект и реално негативен одраз за раст на сивата економија. 

Ако се сочува стабилноста на банките, тие, заедно со државата, ќе ја консолидираат здравствено-економската криза. 

Идеите да се конфискува, одземе дел од имотот на банките, односно на граѓаните, компаниите и акционерите, можат да нанесат големи штети со самото нивно популистичко пласирање во јавноста.