ФАКТОР НА ДЕНОТ: Останува да се организираат свадби, нови рестрикции нема

Добивај вести на Viber

НЕМА НОВИ АНТИ КОВИД МЕРКИ

По благиот пораст на новозаразени со корона вирусот во Македонија, Комисијата за заразни болести денеска разговараше за актуелната епидемиолошка состојба. Фактор дозанава дека на состанокот било заклучено дека не се потребни нови рестрикции во овој момент, но дека е многу важно да се стави акцент на имунизацијата. Иако првично се најавуваше дека е можно да се забранат семејните веслби во затворен простор тоа засега нема да се случи.

„Комисијата за заразни болести, на денешниот состанок ја разгледуваше епидемилошката состојба во државата. Лесно зголемување на позитивни од тестирани за Ковид 19 има во Скопје и Тетово. Според анализите во Тетово ширењето на вирусот е поради непочитување на препораките и протоколите при организирање семејни веселби и друг тип веселби во затворен простор. И покрај бројот на активни случаи и позитивни од тестирани за Ковид 19, состојбата е стабилна, а во болниците нема притисок од хоспитализации. Комисијата за заразни болести во моментов останува на досега прпорачаните мерки, кои би се заостриле во моментот кога ќе се укаже таква потреба.

ЗА 24 ЧАСА ИМА 9 ЗАРАЗЕНИ СО КОРОНАВИРУСОТ

Во последните 24 часа се направени 1.973 тестирања, а регистрирани се 9 нови случаи на КОВИД-19, информира Министерството за здравство. Од новозаболените од Скопје се четворица, Тетово исто така четворица, а од Кичево еден.

Регистрирани сe 53 оздравени пациенти, а нема починати пациенти.

Од кога се појави корона вирусот мутираше повеќе пати, а моментно најголема опасност е делта сојот на вирусот кој се карактеризира со висок степен на инфекција.

По неполн месец Гевгелија е градот кој се врати на ковид картата во земјава. 

1.800 ДЕЦА ДОБИЈА ТЕРМИНИ ЗА ВАКЦИНАЦИЈА

Во трите поликлиники во Скопје, „Букурешт“, Јане Сандански“ и „Чаир“, од денеска почнува имунизацијата на младите на возраст од 12 до 16 години.

-Термините за децата почнуваат од 8.00 часот на пунктовите во овие здравствени установи. Лекарските тимови се од постоечките вакцинални пунктови кои имаат искуство со имунизација на деца. Досега, на ниво на целата земја се пријавени 1.800. По насоките на Комитетот за вакцинација, сите деца ќе бидат вакцинирани со вакцината на Фајзер/БиоНТек, вели за Фактор, директорот на Здравствен дом-Скопје, Виктор Исјановски.

ЧИТАЈТЕ УШТЕ

Скандал со злоупотреба и неовластена препродажба на податоци кои ги чува и смее да ги дава само и единствено државниот Централен регистар (ЦР)! „Таргет груп“нуди услуги преку платформата „Бизнис Мрежа“ и при тоа незаконски како извор на податоците го наведува ЦР, што е спротивно на сите правни регулативи во државата, а се злоупотребува име на самостоен државен орган, тврдат од Централниот регистар.

Компанијата Настел на бизнисменот Зоран Азманов влегува во Реплек. Друштвото објави денеска дека сега Настел поседува над 5 отсто од обичните акции односно дека компанијата Настел ДООЕЛ Скопје се стекнала со вкупно 1.543 обични акции или 5,95 отсто.