ФАКТОР НА ДЕНОТ: Пет нови починати, а родилката oд Куманово со влошена состојба

Добивај вести на Viber

НОВИ СМРТНИ СЛУЧАИ ВО МАКЕДОНИЈА ОД КОРОНАВИРУСОТ

Пет пациенти се починати, од Куманово, од Лабуништа, Челопек, Штип, изјави министерот за здравство, Венко Филипче денеска на прес-конференција. 

Влошена е и состојбата на родилката од Куманово, вели министерот. 

Во Штип има хоспитализирани луѓе со лесна, но и со потешка клиничка слика. 

„Остваривме посета во болницата во Куманово со државниот секретар и претставници на Институтот за јавно здравје, со оглед на тоа што 18 здравствени работници се заразени“, вели Филипче. 

Инфективното одделение во кумановската болница е погодено од заразата. 

Од болницата му било соопштено дека имаат доволно заштитна опрема. 

„Нема друго одделение ко ее компромитирано“, рече министерот. 

ГУЖВИ ПРЕД БАНКИ И МАРКЕТИ

Во главниот град денеска беа забележани неверојатни гужви. Раздвиженоста на граѓаните е зголемена, пред утрешното воведување на рестриктивните мерки за движење, кои ќе почнуваат од 16.00 часот. 

Пензионерите побрзаа да си ги земат пензиите, така што пред банките Фактор регистрираше цели редици од луѓе. 

ПАДНАА ЦЕНИТЕ НА БЕНЗИНИТЕ

Новото намалување на бензините доведе до најниски цени во последниве две години. Според одлуката на Регулаторната комисија за енергетика, од синоќа на полноќ цената на 1 литар ЕУРОСУПЕР БС-95 изнесува 48.00 денари, а ЕУРОСУПЕР БС-98 се точи по 50,00 денари за литар. 

ПОПЛАКИ ОД УГОСТИТЕЛИТЕ

Угостителите нема да ги користат олеснителните мерки на Владата, зошто според нив тоа ќе значи понатамошно задолжување, кое нема да можат да го издржат. Побараа од Владата, парите кои се наменети за нив да ги потроши на работниците, нагласувајќи дека од почетокот на кризата до сега, угостителите биле приморани да отпуштат од работа дури 15.000 луѓе.

ЧИТАЈТЕ УШТЕ

Откако опасниот коронавирус се прошири во Куманово, се бара и маска повеќе.

На улиците многу ретко се случува да се сретне граѓанин кој не носи маска. 

Реномираните банки и меѓународни институции веќе почнаа да ги прават новите прогнози за тоа колку ќе паднат светските економии како последица на кризата предизвикана од коронавирусот.

Еден од најпознатите македонски епидемиолози, професорот Драган Даниловски, за Фактор открива дека новиот корона вирус, кој светот го нарече Ковид-19, но според Меѓународниот комитет за токсикологија неговото вистинско име е САРС-КоВ-2, е најопасен од сите типови на корона вируси.

Владината Уредба за примена на Законот за работните односи за време на вонредна состојба, каде што новините всушност се однесуваат на користењето на деновите од годишниот одмор од 2019 година и 2020година, го затече Синдикатот, а и голем број од работниците во приватниот сектор.

Богослужби  и Свети Литургии ќе има но ќе се одржуваат со неколкумина служители и со малку верници. 

Големиот христијански празник Велгиден оваа година ќе се празнува поразлично.

Да се скратат законските рокови и повратот на ДДВ наместо за 30 дена да се врши на 15 дена, а државата да ги исплати навреме сите обврски кои ги има кон приватните компании и кон општините, бара Стопанската комора на Макеоднија.