ФАКТОР НА ДЕНОТ: Почна кампањата за локалните избори, Црвенковски испрати неколку политички пораки

Добивај вести на Viber

ПОЧНА КАМПАЊАТА

Додека во Државната изборна кампања течат подготовките за претстојните избори, од денеска партиите ја почнуваат изборната кампања и рекламирањето кое ќе трае до 15 октомври на полноќ. Во овој период тие пред граѓаните ќе ја претстават својата изборна програма за следните четири години.

Изборите ќе се одржат на 17 октомври во недела. Ден пред одржувањето на изборите, ќе гласаат старите и изнемоштени лица и затворениците, како и лицата кои се во домашен карантин поради позитивен тест на Ковид-19 како и оние кои се во самоизолација. 

ЦРВЕНКОВСКИ ИСПРАТИ НЕКОЛКУ ВАЖНИ ПОЛИТИЧКИ ПОРАКИ

Бранко Црвенковски, поранешниот претседател на Македонија, обраќајки се на свечениот собир на МАНУ за јубилејот од формирањето на современата македонска држава, рече дека една од неговите грешки била тоа што не ги заштитил работниците-акционери во транзицијата пред 30-тина години од притисокот на менаџерите на претпријатијата.

ПЕНДАРОВСКИ ЗБОРУВАШЕ ЗА СПОРОТ СО БУГАРИЈА

Според мое мислење, во 1991-та година, воопшто не беше сигурно дека ќе биде формирана независна македонска држава, рече претседателот Стево Пендаровски на свечениот научен собир „Современата македонска држава - две етапи во процесот на нејзиното формирање и развој: 1941-1991/1991-2021 година”. Научниот собир се одржа во организација на Македонската академија на науките и уметностите, во соработка со Институтот за национална историја, а под покровителство на шефот на државата.

ДЕНЕС ИМА 112 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје дека во последните 24 часа:

Направени се 1.726 тестирања, а регистрирани се 112 нови случаи на КОВИД-19:

Скопје – 82, Кавадарци – 8, Куманово – 6, Прилеп, Битола, Неготино и Крива Паланка – по 2, Тетово, Велес, Струмица, Кичево, Свети Николе, Ресен, Делчево и Македонска Каменица – по 1.

Регистрирани сe 419 оздравени пациенти од: Скопје – 175, Куманово – 46, Струмица – 27, Кавадарци – 23, Штип – 20, Тетово – 18, Битола – 12, Дебар – 10, Валандово – 9, Свети Николе – 8, Гостивар и Пробиштип – по 7, Велес и Кочани – по 6, Прилеп, Крива Паланка, Кичево, Ресен, Гевгелија и Берово – по 4, Неготино, Радовиш, Кратово, Крушево и Пехчево – по 3, Македонска Каменица и Македонски Брод – по 2, Охрид и Виница – по 1.

Во текот на изминатите 24 часа починале 12 лица: 7 починати лица од Скопје (78г, 78г, 76г, 76г, 72г, 67г и 66г) и по едно починато лице од  Куманово (66г), Струмица (72г), Штип (62г), Дебар (37г) и Велес (84г). Сите пријавени лица се починати во болнички услови.

OД ДЕНЕСКА И ТРЕТА ДОЗА ВАКЦИНА ПРОТИВ КОВИД

Министерството за здравство информира дека почнувајќи од денеска, со трета доза вакцина може да се вакцинираат, здравствените работници, граѓаните над 60 години,  и лицата кои имаат имунокомпромитирана здравствена сстојба, а кај кои има поминато 6 месеци од примената ревакцина. 

Во текот на минатата седмица, јавните здравствени организации беа информирани дека здравствените работници независно од возраста, може да примаат трета доза вакцина, во кој било од вакциналните пунктови во земјава.