ФАКТОР НА ДЕНОТ: Почна масовната имунизација, се одбележуваат 118 години од загинувањето на Гоце Делчев

Добивај вести на Viber

ПОЧНА МАСОВНАТА ИМУНИЗАЦИЈА

По пристигнувањето на 200.000 кинески вакцини од компанијата Синофарм, од денеска во Македонија почнува масовната вакцинација на голем број пунктови во повеќе регионални центри, и тоа во Битола, Штип, Охрид, Кавадарци, Тетово, Куманово и Охрид. Дел од градоначалниците во текот на вчерашниот ден објавија дека вакцините се пристигнати во нивните градови и дека се распоредени на вакциналните пунктови.

СЕ НАВРШИЈА 118 ГОДИНИ ОД ЗАГИНУВАЊЕТО НА ГОЦЕ ДЕЛЧЕВ

Поранешниот бугарски премиер Бојко Борисов попладнево го нарече Гоце Делчев  голем бугарски револуционер и македонски војвода.

Тој попладнево на Фејсбук го пренесе својот став по повод 118 годишнината од загинувањето на револуционерот Гоце Делчев. 

„Денеска се одбележуваат 118 години од трагичната смрт на големиот бугарски револуционер и македонски војвода Гоце Делчев, кој го даде својот живот за слободата и автономијата на Македонија и Одриснко. Нека неговата жртва биде пример за нас …, час побрзо да го најдеме вистинскиот пат кон нашата заедничка европска иднина. Вечен му спомен!“, напиша Борисов.

Историчарите од двете земји на последната средба иако беше планирано, не зборувале за Делчев. 

Делегација на Владата на чело со министерот за внатрешни работи Оливер Спасовски, заедно со министерката за култура Ирена Стефоска и министерот за финансии Фатмир Бесими, по повод годишнината од смртта на Гоце Делчев, положија свежо цвеќе на неговото вечно почивалиште во црквата „Св. Спас“ во Скопје.

Делчев загина во селото Баница во Серско. 

31 ПОЧИНАТ ОД КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 1169 тестирања, а регистрирани се 67 нови случаи на КОВИД-19 во:

Скопе – 28, Куманово – 8, Гостивар и Охрид – по 4, Прилеп, Тетово, Битола, Кавадарци и Штип – по 3, Струга, Кичево и Ресен – по 2, Свети Николе и Кратово – по 1.

Регистрирани се 782 оздравени пациенти од:

Скопје – 267, Струмица – 151, Кавадарци – 54, Прилеп – 43, Битола – 40, Куманово -29, Валандово – 23, Штип – 22, Неготино – 15, Велес и Охрид – по 14, Кочани – 13, Крива Паланка – 12, Виница – 11, Тетово и Гевгелија – по 9, Свети Николе и Делчево – по 8, Гостивар – 7, Кичево и Пробиштип – по 5, Демир Капија – 4, Радовиш, Крушево и Македонска Каменица – по 3, Богданци и Кратово – по 2, Струга, Ресен, Берово, Македонски Брод, Пехчево и Дојран – по 1.

Пријавено е вкупно 31 починато лице. 

ОБВИНЕНИЕ ЗА ДЕРКОВСКИ И ТРОЈЦА ДРУГИ ОД ДИК

Основното јавно обвинителство за гонење на организиран криминал и корупција поднесе обвинителен акт против поранешниот претседател на Државната изборна комисија Оливер Дерковски и тројца вработени во комисијата, откако од некомпетентни оператори набавиле софтвер и телевизори за прикажување на резултатите од парламентарните избори на 15 јули 2020.

ЧИТАЈТЕ УШТЕ

Министерството за земјоделство објави на ЕНЕР дека работи на новиот закон за продажба на државно земјоделско земјиште. Тоа значи дека е се поблиску до сотварување идејата на Владата од јунни годинава да се стави на продажба државното земјодлеско земјиште и на таков начин да се инкасираат пари во буџетот. Првично беше предвидено да се направат измени на Законот, но сега се известува дека се прави комплетно ново законско решение.

ТТК Банка за првите три месеци годинава успеа да стигне до добивка од безмалку 200.000 евра. Овој одличен финансиски резултат, особено ако се спореди со истиот период лани, односно е за два ипол пати повисок од лани. Овој перформанс се должи на ефектите од редовните приходи на Банката. Oстварениот позитивен финансиски резултат во првиот квартал од 2021 година е со квалитет што ја зацврстува стабилностa на Банката и перспективата за здрав раст во наредниот период.