ФАКТОР НА ДЕНОТ: Почна новата учебна година, ќе има и пролетен распуст

Добивај вести на Viber

ПОЧНА УЧЕБНАТА ГОДИНА

Во споредба со претходната учебна година, стартот на оваа е поуспешен, изјави министерот за образование и наука Јетон Шаќири прашан за оценка за почетокот на учебната 2023/2024 година со оглед на доцнењето на учебниците за шесто одделение и нејаснотиите околу спојувањето неколку предмети во ова одделение.

-Во период од една година успеавме во основното образование да одобриме и истовремено да печатиме и доставиме до училиштата повеќе од 50 наслови на учебници. За оваа учебна година ги завршивме сите постапки во рок од девет месеци од доставување на сите нови (наставни) програми за трето одделение, изјави Шаќири, одговарајќи на новинарско прашање во Регионалниот центар за стручно образование и обука „Киро Бурназ“ во Куманово, кој денеска го посети заедно со премиерот Димитар Ковачевски.

ТРЕНЧЕВСКА ВЕЛИ ДЕКА ГО БАРААТ НАЈДОБРОТО РЕШЕНИЕ ЗА МИНИМАЛНА ПЕНЗИЈА

Ќе се дискутира за сите прашања поврзани со подобрување на животниот стандард на пензионерите. Ова го вети министерката за труд и социјална политика, Јованка Тренчевска во гостувањето на утринската емисија „Утро“  на КТВ - Кавадарци, каде зборуваше за актуелностите поврзани со пензиите. Таа истакна дека досега се реализирани средби со Сојузот на пензионери, со здруженијата низ градовите во државата, со претставници на иницијативните одбори на пензионерите кои протестираат и  Партијата на пензионери.  

Министерката информираше и дека е формирана и работна група, каде претставници се од министерствата за труд и социјална политика и финансии, Кабинетот на вицепремиерот за економски прашања, Битиќи, Фондот за пензиско и инвалидско осигурување, Сојузот  на пензионери, МАПАС и приватните пензиски друштва. Првиот состанок  е закажан на 6ти септември.

ПОЛИЦИЈАТА ЗА НЕКОЛКУ ДЕНА ЌЕ ГО ИМА ИДЕНТИТЕТОТ НА ЛИЦЕТО КОЕ ВЕЕШЕ ЗНАМЕ НА ГОЛЕМА АЛБАНИЈА

За неколку дена ќе го имаме идентитетот на лицето кое го вееше знамето на Голема Албанија, вели министерот за внатрешни работи, Оливер Спасовски. 

ПЕНДАРОВСКИ ВЕРУВА ВО ЧЛЕНСТВО ВО ЕУ ПРЕД 2030 ГОДИНА

Шефот на државата, Стево Пендаровски верува во членство во ЕУ пред 2030-та ако нема опструкции од ВМРО-ДПМНЕ.

ЧИТАЈТЕ УШТЕ

Од овој месец банките би требало да ги информират граѓаните за новите опции при отворање сметка. Со законските измени, новина во нашиот банкарски систем е воведувањето на платежна сметка за основни функции.