ФАКТОР НА ДЕНОТ: Почна учебната година, од ковид почина 15 годишно девојче

Добивај вести на Viber

ПОЧНА УЧЕБНАТА ГОДИНА

1.Септември, прв училишен ден. По година и пол, учениците се вратија во училишните клупи. Но, пред да седнат, стојат во редот да им биде измерена температура, а заштитната маска убаво наместена преку устата и носот, е неизбежен дел од „свечено избраната гардероба“.

Така налага пандемијата на Ковид-19, така налага „новото нормално“. Сепак, среќата е повеќе од очигледна и кај децата и кај наставниците и кај родителите. 

ПОЧИНА 15 ГОДИШНО ДЕВОЈЧЕ ОД КОВИД

Девојче кое имало само 15 години починало од ковид на Инфектиовната клиника во Скопје.

Ова девојче е најмлада жртва на ковид во земјава.

Во последните 24 часа се направени 6.006 тестирања за коронавирус, а регистрирани се 906 нови случаи на ковид-19.

МЕРКИТЕ ЗА ИЗЛЕЗ ОД ДРЖАВАТА СЕ СО ЦЕЛ ДА НЕ БИДЕМЕ „ИЗВОЗНИЦИ“ НА КОРОНА

Со новата мерка која Владата ја донесе вчера ,а стапува на сила од денеска, за излез од земјата каде било треба да се приложи негативен ПЦР-тест или сертификат дека лицето е прележано од Ковид-19, но само во последните 45 дена, доколку немате сертификат за вакцинација.

Владата дообјаснува дека оваа мерка се носи заради зголемување на имунизацијата и, како што вели прес-службата, да не се гледа на земјата како извозник на вирусот.

„Оваа мерка треба да биде придонес за масовната имунизација, како најсоодветен одговор за спречување на вирусот Ковид-19. Мерката е израз и наша определба да направиме се што е потребно нашата земја да се препознае како земја која води активни политики за имунизација и која не треба да се препознава како земја извозник на вирусот.

РЕАКЦИИ ЗА ИЗБОРОТ НА КАНДИДАТИ ЗА ГРАДОНАЧАЛНИЦИ

ВМРО-ДПМНЕ, реагирајќи на последната понуда од страна на СДСМ за градоначалници на престојните локални избори, коментира дека кандидатот за Куманово, Оливер Илиевски, му е братучед на министерот за внатрешни работи Оливер Спасовски.

Членови на СДСМ од Радовиш запалија членски книшки и партиско знаме незадоволни од новиот кандидат за градоначалник. 

ЧИТАЈТЕ УШТЕ

Откако ЕУ ја тргна Македонија од листата на безбедни земји поради високиот број на заразени со коронавирусот, од туристичките агенции се загрижени за својот опстанок и велат дека многу фирми ќе мораат да затворат.

Владата преку одлука за преземање итни мерки исплати еднократна неповратна финансиска подршка во износ од 100.000.000 денари за Јавното претпријатие „Национални шуми” минатата недела.

Досега се изречени само четири казни поради непочитување на мерките кои ги изрекоа властите почнувајќи од 16 јули годинава, а согласно кои во објекти или, пак, во локали на отворено, може да се влезе само со приложување на доказ за вакцинираност, или, пак, со потврда за прележан вирус во последните 45 дена.

Александар Филиповски е предлог кандидат на СДСМ за градоначалник на Аеродром, скопската општина во која сега се уште прв човек е Златко Марин, кадар на истата партија. Во интервју за Фактор вели дека уште кога решил да влезе во политиката сакал да донесе позитивни промени, а сега е пред предизвикот тоа да го исполни.

Во текот на второто тромесечје годинава вкупните директни инвестиции во земјата се 207, 4 милиони евра, измери Народната банка. Што ги зголеми нето приливите- врз основа на меѓукомпанискиот долг има прилив од 101,6 милиони евра, реинвестираната добивка за 75,1 милион евра, а внесот на сопственички капитал е згоголемен за 30,8 милиони евра.