ФАКТОР НА ДЕНОТ: Пописот заврши, Заев вели да се казнат оние кои одбиле попишување

Добивај вести на Viber

ПОПИСОТ ЗАВРШИ, А ПРЕМИЕРОТ ВЕЛИ ДА СЕ КАЗНАТ ОНИЕ КОИ НЕ САКАЛЕ ДА СЕ ПОПИШАТ

Премиерот Зоран Заев денеска изјави дека граѓаните кои одбиваат да се попишат, треба да бидат казнети. 

За тоа зошто не побарале да се продолжи рокот на регистрирање и што ќе биде се тие луѓе што не се попишани, Заев, наведе дека сите знаат како тече процесот на попишување, сите знаат дека внатре најголемиот број од податоците ги имаат од базите.

Заклучно со 29 септември во државата се попишани повеќе од  1.8 милиони граѓани. Процесот на попишување кој почна на 5 септември и завршува вечерва во 20:00 часот.

ИМА ПОВИКАНИ ВО ПОЛИЦИЈА ЗА СКАНДАЛОЗНИОТ КАМП

Јавното обвинителство дало насоки за расчистување на скандалозниот случај кој ја шокираше македонската јавност, по пријава од родител дека малолетници биле вклучени во непримерни активности во Извиднички камп во Скопје. 

Организаторите на извидничкиот камп во близина на Скопје се повикани на разговор во полициска станица, откако родител пријавил во МВР дека малолетни деца биле вклучени во непримерни активности.

ДИМИТРОВ МОЛЧЕШЕ 16 СЕКУНДИ

Ниту една земја не може да ни каже или диктира кој е нашиот идентитет и кој јазик го зборуваме, бидејќи не е добрососедство, ако тоа му се прави на својот сосед, порача денеска вицепремиерот за европски прашања Никола Димитров во обраќање на есенската сесија на Парламентарното собрание на Советот на Европа во Стразбур.

ДЕНЕС ИМА СКОРО 500 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје дека во последните 24 часа:

Направени се 3.425 тестирања, а регистрирани се 494 нови случаи на КОВИД-19:

Скопје – 231, Куманово – 49, Велес – 31, Штип – 24, Кавадарци – 23, Охрид – 19, Кичево – 17, Прилеп и Кочани – по 16, Струмица – 12, Битола – 8, Струга – 7, Тетово – 6, Гевгелија – 5, Делчево – 4, Неготино, Радовиш и Виница – по 3, Свети Николе, Крива Паланка, Берово, Богданци и Македонски Брод – по 2, Гостивар, Ресен, Валандово, Кратово, Демир Хисар, Демир Капија и Македонска Каменица – по 1.

ЧИТАЈТЕ УШТЕ

Македонските граѓани кога одлучуваат каде да купат недвижен имот, пресудно им е да инвестираат во имоти на места каде има вработување, училишта, градинки, добри услови за живот. 

Државните електрани на земјава ќе земат заем од 25 милиони евра, со кои ќе се градат фотонапонски електрани, а за него ќе гарантира државата. Кредитот ќе го одобри Европската банка за обнова и развој, а за изградба земјава ќе добие и инвестициски грант од ЕУ од пет милиони евра.

Вкупно 4.680 акции издадени од Комерцијална банка во неколку блок трансакции се продадоа месецов што поминува. Вредност на акциите истргувани во тие блокови надминува 45 милиони денари или 740 илјади евра

Иван Шилегов, синот на скопскиот градоначалник, Петре Шилегов, ќе раководи со угостителска подружница во Ист Гејт Мол, најголемиот затворен трговски центар во Македонија кој треба да ги прими првите посетители следниот месец.

Наместо 40 часа, администрацијата ќе работи по 36 часа во неделата или по 8 часа од понеделник до четврток и само 4 часа во петок. Ова е предвидено во новиот закон за административни службеници кој сега е во нацрт верзија, објавен е на ЕНЕР и истекува рокот за коментари.