ФАКТОР НА ДЕНОТ: Просветните работници не го прифаќаат зголемувањето на платите од 10 отсто, штрајкот продолжува

Добивај вести на Viber

ШТРАЈКОТ НА ПРОСВЕТНИТЕ РАБОТНИЦИ ПРОДОЛЖУВА

Oд СОНК денеска на прес - конференција изјави дека заклучоците на Владата не водат кон решение. 

Тие не прифатија 10 отсто покачување на платите, а штрајкот продолжува. Велат дека има обиди за спречување на штрајкот, бидејќи властите најавија дека дневници нема да им бидат исплатени на просветните работници додека штрајкуваат. 

УКРАДЕНО МАСЛО ОД КАНАБИС

Министерството за внатрешни работи потврди дека се случила кражба на шишиња масло од канабис од фабриката „5 летерс“. За тоа утрово реагираше пратеникот Драган Ковачки кој обелоденувајќи за кражбата рече дека ограбениот канабис е во вредност од 2 милиони евра. Полицијата тврди дека станува збор за 108 шишиња. Кражбата се случила во периодот од 18.30 часот завчера до 6:30 часот вчера.

ВО МАРИУПОЛ СЕ ВОДАТ ЖЕСТОКИ БОРБИ

Српскиот новинар Даниел Симиќ се јави од украинскиот град Мариупол и вели дека состојбата таму е многу тешка. 

Тој раскажува дека телата на загинатите ги собираат во вреќи. Новинарот се приближил и до фабриката „Азовстал“, каде што постојано се слушале пукотници.

ЧИТАЈТЕ УШТЕ

Доскорешниот градоначалник на Општина Кисела Вода, Филип Темелковски, влегува во бизнисот со електрична енергија. Заедно со компанијата Смарт Енерџи Груп од Софија ќе им нуди на македонските претпријатија изградба на соларни централи за сопствено производство на струја.

Наставниците четврта година чекаат усогласување со минималната плата. Регрес за годишен одмор (популарно познат како К-15) не добиваат и немаат одмор од три месеци додека трае распустот. Усниот предлог на Владата е ставен на гласање и го одбиле над 17.500 наставници или 95% од сите наставници кои штрајкуваат

Конечно излезе податокот за имотната состојба на министерот за правда Никола Тупанчески. Неговиот и имотниот лист на вицепремиерката задолжена за политики за добро владеење Славица Грковска и по четири месеци од изборот до скоро не беа објавени на интернет страницата на Државната комисија за спречување на корупцијата. 

Една од најпознатите македонски фармацевтски компании - „Реплек АД“ објави дека почнува со реализацијата на нова развојна стратегија. 

Горан Трајковски поранешниот прв човек на Управата за јавни приходи и носител на повеќе функции во минатото, но и поранешен директор на Еуростандард банка која отиде во стечај е предложен за нов неизвршен член на Одборот на директори на „Витаминка“.