ФАКТОР НА ДЕНОТ: Расте бројот на заболени во Тетово, Комисијата за заразни болести ја следи состојбата

Добивај вести на Viber

РАСТЕ БРОЈОТ  НА ЗАБОЛЕНИ ОД КОРОНА ВО ТЕТОВО

Комисијата за заразни болести ја следи состојбата во Тетово по зголемениот број на заразени со коронавирусот. 

Министерството за здравство соопшти дека по зголемување на бројот на заразени од тестирани во Тетово и тетовскиот регион, за период од неколку дена, Комисијата за заразни болести ја следи епидемиолошката состојба  и е во комуникација со локалниот Центар за јавно здравје. 

Зголемениот број случаи доаѓаат од два познати кластери. Првиот кластер е од свадба, а вториот е повеќечлено семејство кое исто така било на мала семејна прослава. Некои од ковид позитивните пациенти не давале точни податоци и информации за контакти. 

ЗА 24 ЧАСА ИМАМЕ 21 ЗАРАЗЕН

Министерството за здравство информира, согласно податоците од Институтот за јавно здравје:

Во последните 24 часа се направени 3.227 тестирања, а регистрирани се 21 нови случаи на КОВИД-19:

Тетово – 11, Скопје и Куманово  – по 3, Струга -2, Гостивар и Штип – по 1.

Регистрирани сe 7 оздравени пациенти од: Скопје и Куманово – по 2, Битола, Тетово и Кичево - по 1.

Oткако се зголеми бројот на заразени со коронавирусот во Тетово, микробиологот Никола Пановски ги советува граѓаните да бидат внимателни. 

ЗАЕВ СЕ ОСВРНА НА РЕЗОЛУЦИЈАТА

Премиерот Зоран Заев на денешната прес-конференција рече дека за владеачкото мнозинство е неприфатлива Резолуцијата на ВМРО-ДПМНЕ поднесена во Собранието за заштита на националните црвени линии, затоа што не се употребува уставното име во истата.

- Во резолуцијата на неколку места се споменува Република Македонија, уставно треба да стои Република Северна Македонија. Секоја резолуција има преамбуила, а таму е избегнато уставното име, рече Заев

ИЗБОРИТЕ ВО БУГАРИЈА ДОНЕСОА НЕИЗВЕСНОСТ

Да, конечниот резултат на предвремените парламентарни избори сè уште не е познат. Разликата е минимална - 6515 гласа повеќе за ГЕРБ-СДС во 95,22% од пребројаните протоколи. Сепак, остатокот е навистина само од странство, и таму за Слави Трифонов 29 014 гласа наспроти само 8058 за Бојко Борисов, пишува актуелно.бг.

ДЕЛТА СОЈОТ ЗЕМА ЗАМАВ ВО ЕВРОПА

Сите новозаразени  во португалскиот град Лисабон се со делта сојот. 

Сите случаи во областа Лисабон и популарниот регион на јужниот дел на Португалија, Алгарве се заразени со делта сојот. Со недели расте бројот на заразени во земјата, откако се отворија за посетителите од Европската Унија и Велика Британија во средината на мај.

Во извештајот на Националниот здравствен институт „Рикардо Хорхе“ стои дека делта варијантата на коронавирусот, прво идентификувана во Индија, опфаќа околу 86 проценти од случаите во Португалија, а дури сто проценти од случаите во Лисабон и туристичкиот регион Алгарве. Полицискиот час е на сила во 50 општини. 

Во повеќето европски земји се враќаат мерките за заштита. 

ЧИТАЈТЕ УШТЕ

Рударство, електро-енергетика, челичарници, телекомуникации, фармација, производство на автомобилски компоненти, производство на пијалоци, тровски ланец, специјалист за хостинг... Ова се дејностите во кои 17 компании лани во вонредните услови кои ги дефинира корона кризата успеале да создадат поголеми од 10 милиони евра ... Кои беа членови на златната лига?

„Браќа непријaтели“, вака беа оквалификувани македонско – бугарските односи во една анализа изминатите години, а сега очите се вперени кон Бугарија, каде се одржаа избори, и треба да се формира Влада.

Дивата сеча на Шара годишно нанесува неколку милиони евра директна штета, а последиците врз природата се огромни, се зголемува ризикот од ерозија и лизгање на земјиштетото што може да однесе и човечки животи.