ФАКТОР НА ДЕНОТ: Рестрикциите остануваат, реакциите за пратениците кои дојдоа во Собранието во скафандери не запираат

Добивај вести на Viber

ОСТАНУВААТ НА СИЛА РЕСТРИКЦИИТЕ

За Велигден и Бајрам ќе имаме полициски час од 21 до 5 часот изутрина. 

Главниот кризен координативен штаб на денешната седница ги разгледуваше предлозите пристигнати од Комисијата за заразни болести и врз основа на истите предлага на наредната седница на Владата, да се усвои одлука со која постојните мерки кои се со важност до 20 април 2021 година (вторник), да продолжат да се применуваат до 27 април 2021 година (вторник).

Во случај на потврдување на трендот на опаѓање, Главниот координативен штаб ќе ја разгледа можноста за предлог за намалување на рестрикциите, исклучиво во случај на континуитет во падот на бројот на заразени и бројот на хоспитализирани лица и тоа конкретно за:

• во периодот од 27 април 2021 година (вторник), заклучно со 15 мај 2021 година (сабота), да се отворат угостителските објекти за работа со посетители/гости во отворениот дел од угостителскиот објект (само летни тераси, градини, а не во затворениот дел);

• забраната и посебниот режим на движење да почнува од 21:00 часот до 05:00 часот наредниот ден;

• да ги разгледа можностите при намалување на рестриктивните мерки да се дозволи организирање на спортски тренинзи организирани од страна на фитнес центри/клубови на отворен простор (наместо во затворена спортска вежбална/сала);

ИМА РЕАКЦИИ ЗА ПРАТЕНИЦИТЕ КОИ ИАКО СЕ ПОЗИТИВНИ СО СКАФАНДЕРИ ДОЈДОА ВО СОБРАНИЕТО

Владимир Лазаревик, експерт по јавно здравје и поранешен заменик министер за здравство, вели дека нема видено поголема глупост од тоа позитивни на корона пратеници да одат на седници и да гласат во Собранието, и дека тоа е брутално кршење на законите.

Пратеникот Костадин Костадинов од СДСМ вели дека знае зошто се гневни неговите колеги од ВМРО-ДПМНЕ, кои ги нарекува неработници. 

Професорката Мирјана Најчевска утрово преку фејсбук излезе со остра реакција, за, како што вели, „оние што се уплашија дека ќе се заразатр од пратениците, а се прават Собранието да не профункционира“.

ДЕНЕС ИМА 35 ПОЧИНАТИ ОД КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 841 тестирања, а регистрирани се 135 нови случаи на КОВИД-19 во:

Скопје – 81, Тетово – 15, Куманово – 13, Прилеп – 8, Кавадарци – 7, Македонски Брод – 3, Штип - 2, Битола, Кочани, Кичево, Гевгелија, Неготино и Берово – по 1.

Регистрирани се 900 оздравени пациенти од:

Скопје – 363, Битола – 62, Куманово – 54, Прилеп – 51, Велес – 46, Охрид – 44, Кавадарци – 40, Струга – 32, Кочани и Гостивар – по 23, Струмица – 22, Тетово – 16, Штип – 14, Кичево и Гевгелија – по 12, Пробиштип – 11, Берово –9, Неготино, Свети Николе и Крива Паланка – по 7, Ресен, Радовиш и Богданци – по 6, Делчево – 5, Македонски Брод, Виница, Кратово и Македонска Каменица – по 4, Валандово – 3, Пехчево – 2 и Крушево– 1.

Пријавени се вкупно 35 починати лица. 

ЧИТАЈТЕ УШТЕ

Се подготвуваа за протест во вторник, но за истиот ден се најавува седница на која Владата треба да изгласа нова помош за поддршка на најпогодените сектори, тие кои беа затворени и во овој последен рестриктивен период. 

Иако овој месец април имаме невообичаено студено време, метеорологот Славчо Попоски вели дека за големиот христијански празник Велигден сепак ќе имаме убаво време.

Комичарите ќе останат без работа подолг период, не само поради неможноста за настапи во време на пандемија, туку и од циркузантските испади на политичарите.

Кога се знае како и се има со што полесно се пребродува корона кризата. „Македонијатурист“ лани вложи во акции и обврзници, а од дивиденди на своите акции наплати 439.000 евра, а од камати на депозитите уште 342.000 евра од камати

Во попладневните часови денеска во Македонија, од софискиот аеродром ќе биде донесена пратка со 10.000 вакцини од фармацевтската компанија Фајзер/Бионтек, уште 10.000 дози треба да пристигнат следниот понеделник.