ФАКТОР НА ДЕНОТ: Собранието нема да биде свикано, короната однесе уште два животи

Добивај вести на Viber

СОБРАНИЕТО НЕМА ДА БИДЕ СВИКАНО

Уставниот суд оцени дека нема услови за враќање на Собранието. 

Мнозинството уставни судии оценија дека одлуката од 15 април да не се разгледува уставноста на одлуката за распуштање на Собранието е исправна и дека нема основа за понатамошно разгледување. 

УШТЕ ДВЕ ЖРТВИ НА КОВИД 19

Денеска Институтот за јавно здравје регистрира 44 оздравени пациенти, соопшти Министерството за здравство. 

Во изминатите 24 часа направени се 292 тестирања, а потврдени се 13 нови случаи на ковид-19 и тоа во: Куманово-1, Прилеп-3, Тетово-3, Велес-5 и Битола-1. Досега во земјата се направени вкупно 17836 тестирања на ковид -19.

Во ГОБ „8 септември“ почина пациент од Прилеп на возраст од 55 години, хоспитализиран на 22 април, кој 13 дена бил приклучен на респираторна машина. Во болницата во Битола почина пациент хоспитализиран на 4 мај како сомнителен на ковид-19, чиј брис постмортем покажал присуство на вирусот.

КАЗНИ ЗА ЛУЃЕТО КОИ ИГРАА ОРО ВО ГЕВГЕЛИЈА ЗА ВРЕМЕ НА ПОЛИЦИСКИ ЧАС

Вкупно 30.000 евра ќе чини најскапото оро во историјата на Македонија, откако гевгелиското обвинителство поднесе предлози за издавање казнени налози против соседите во Гевгелија кои ја прекршија забраната за движење за време на празникот Велигден.

Од 43 лица, 30 лица се обвинети затоа што на 19 април 2020 година, за време кога во сила била забраната за движење, излегле од своите домови и на улицата „Јосиф Јосифовски“ во Гевгелија играле оро, на претходно пуштена музика, додека останатите 13 лица, го сториле кривичното дело движејќи се пеш или со возила за време на полициски час.

НА 12 МАЈ ЌЕ СЕ ОДРЖИ ЛИДЕРСКА СРЕДБА

Христијан Мицкоски, претседателот на ВМРО-ДПМНЕ, во синоќешното гостување на ТВ24 потврди дека лидерската средба кај претседателот Стево Пендаровски ќе се одржи на 12 мај. 

И претседателот Пендаровски минатата недела како гостин на Алсат најави дека лидерската средба би се одржала во периодот меѓу 10 и 12 мај и дека своето учество го потврдиле Мицкоски и претседателот на СДСМ, Зоран Заев, како и лидерите на албанските политички партии и од власта и од опозицијата, по телефонските разговори.

ДОЖИВОТЕН ЗАТВОР ДОБИ БЛЕРТА ПОЦЕСТА

Судот во Гостивар пресуди доживотен затвор за Блерта Поцеста, обвинета за убиството на сопствените татко, мајка и малолетна сестра. 

Тројното убиство е извршено во август 2018-та година во Дебар, а Поцеста веднаш избегала во Италија.

Има и пресуди за еден од нејзините помагачи кој ја возел со автомобил, додека за третобвинетиот, судот одлучил да го гони за друго дело, за Неовластено изработување, држење, посредување и тргување со оружје или распрскувачки материи од член 396 од Кривичниот законик.

ЧИТАЈТЕ УШТЕ

На нивите во струмичко, крај кој важи за земјоделски, има сѐ помалку аргати, затоа што и површините се намалуваат, но и сопствениците на поголеми насади ангажираат арагати само кога мораат.

Иво Крстевски сопственикот на „Пилот Травел“ и еден од најпознатите менаџери во склучувањето на аранжани со хотелите во Грција вели дека цените во популарните туристички центри за летување кај јужниот сосед може само да бидат поевтини во однос на ланската година, судејќи според актуелната ситуација што ја диктира епидемијата.

ТТК Банка покажа дека и мала банка може да има одлични резултати. Но покажа и друго, дека може да биде пример за транспарентно и отчетно работење преку објавувањето на податоците за платите и бонусите на најзаслужните за резултатите.

Јас сум многу поголем песимист во поглед на македонската економија од домашните институции. Моите очекувања се дека домашната економија ќе отиде во минус од 13,6 отсто, вели во интервју за Фактор професорот Марјан Бојаџиев, шеф на катедрата Бизнис Администрација на Универзитетот Американ Колеџ.

Државата можеби ќе изгуби милионски суми пари како и сите други земји поради корона кризата, пред се заради големата загуба во приходите поради помалку собраните даноци и зголемените трошоци за здравствениот сектор, но затоа и собра некоја „паричка“ од големиот број казни и глоби кои се наплатени од граѓаните кои не го почитуваа полицискиот час и мерките за самоизолација.

Неизвесноста и непредвидливоста на настаните е најголем „непријател” на бизнисот, па затоа не може прецизно да се каже колкавo ќе биде конечното влијание на оваа криза за нашата компанија, но и за прехранбената индустрија, воопшто вели во интервју за Фактор, Гоце Вангеловски директор на финансии на Битолска млекара АД.