ФАКТОР НА ДЕНОТ: СОНК го стави штрајкот во мирување, дел од наставниците се побунија против Неделков

Добивај вести на Viber

СОНК ГО СТАВИ ШТРАЈКОТ ВО МИРУВАЊЕ

Претседателот на СОНК, Јаким Неделков, по итниот состанок на Советот на СОНК, на прес конференција соопшти дека штрајкот на вработените во образованието го ставаат во мирување.

Како што вели тој, денеска Советот на СОНК расправал во врска со добиеното известување од Министерството за образование и наука, по што се консултирале со правници.

„Од денеска генералниот штрајк се става во мирување. Ова е само почитување на законот“, истакна Неделков, истовремено нагласувајќи дека ако нема решение, штрајкот повторно ќе стане активен.

НАСТАВНИЦИ СЕ СОБРАА ПРЕД СЕДИШТЕТО НА СОНК

Членови на СОНК излегоа пред седиштето револтирани затоа што штрајкот го ставаат во мирување и од утре учениците треба да продолжат со настава. Рекоа дека се собрале спонтано и се чувствувале изиграни од претседателот Јаким Неделков. Тие викаа „Оставка, оставка“. 

Наставниците велат дека се маргинализирани веќе 10 години. Kaжаа дека и натаму ќе си ги бараат своите права. Наставниците се пожалија дека и родителите се однесувале вулгарно, ги навредувале. Велат дека Неделков не ги консултирал за да го стави штрајкот во мирување. 

Откако СОНК го стави штрајкот во мирување, Министерството за образование и наука (МОН) попладнево ја поздрави одлуката. 

МИЦКОСКИ БАРА ПРЕДВРЕМЕНИ ИЗБОРИ, КОВАЧЕВСКИ Е ПРОТИВ

Претседателот на ВМРО-ДПМНЕ Христијан Мицкоски му предложи на премиерот Димитар Ковачевски заедничка и јавна средба на која ќе разговараат и договорат датум за одржување предвремени парламентарни избори, кои, како што рече, би биле природно решение за „катастрофалните состојби во кои се наоѓа земјата“. Тој на Ковачевски му остави рок до 10 мај да се изјасни, а доколку премиерот го одбие предлогот, лидерот на ВМРО-ДПМНЕ најави дека „ќе следат сериозни и досега непреземени чекори“.

Уцени не прифаќам, себичните амбиции на Мицкоски не ме засегаат, вели премиерот Димитар Ковачевски откако лидерот на ВМРО-ДПМНЕ, Христијан Мицкоски му порача да размисли за предвремени избори. 

ОДЕКНАА ЕКСПЛОЗИИ ВО КИЕВ

Одекнаа експлозии во украинската престолнина. Најмалку две експлозии беа регистрирани вечерва во Киев, веднаш по средбата меѓу украинскиот претседател Володимир Зеленски и генералниот секретар на ОН, Антонио Гутереш.

ЧИТАЈТЕ УШТЕ

Можеш ли со бензин да изгасиш оган? Ова е прашањето на кое украинскиот претседател Зеленски не успеа да го најде вистинскиот одговор. Неговата земја е разорена, народот се раселува, бројот на загинати украински војници (според независни минимални проценки) надминува 20.000 лица, раселени се веќе пет милиони Украинци, а Светска банка во март процени дека нивната економија годинава ќе изгуби барем 45 отсто од БДП.

Бегалците од Украина се заминати во различни земји и ги има буквално на сите континенти каде бараат работа и шанса да продолжат нормално да живеат. Нивниот избор не е само Европа.

За автопатот Кичево - Охрид, кој се гради осма година по ред, во втората половина од 2021 биле потрошени само нешто повеќе од пет милиони евра, покажува полугодишниот извештај на јавното претпријатие Државни патишта.

Летниот распуст за учениците почна два месеци пред крајот на школската година, велат граѓаните, под чии прозорци се собираат групи деца и тоа во доцните вечерни часови.

Енергетската криза го тресе светот, цените секојдневно пробиваат плафони, а државите се во постојана битка како да ги обезбедат неопходните енергенси за своите граѓани. Оние што навреме се зафатија со инвестиции во овој обемен сектор, сега ќе ги берат плодовите од направените вложувања. Транзицијата кон зелена и чиста енергија секако дека ќе има голема предност, впрочем, тоа е иднината на големите енергетски играчи.

Со овој голем исчекор во услови на силно изразена глобална енергетска и економска неизвесност „Макпетрол“ покажа исклучителна грижа за своите вработени кои воедно и се негови најбројни акционери. Ова е пример за корпоративно управување со силно истакната грижа за работничко акционерство! Неговите вработени меѓу себе ќе поделат најголем дел од 1,8 милиони евра бруто дивиденда