ФАКТОР НА ДЕНОТ: Статус кво, нема напредок во разговорите меѓу македонските и бугарските историчари

Добивај вести на Viber

СРЕДБАТА НА ИСТОРИЧАРИТЕ ЗАВРШИ БЕЗ НАПРЕДОК

Постојат писма каде што Делчев се чувствува како Бугарин, но има и писма каде се изjaснува како Македонец, изјави историчарот Драги Ѓоргиев вечерва во Само интервју на Канал 5. 

Тој вели дека има тенденција да се наметне бугарскиот наратив. 

„Последите два дена беше една тешка исцрпна средба, во која за жал повторно нема резулати и повторно дојдоа до израз различни пристапи во работата и различните пристапи во разгледувањето на учебниците и евентуалното давање препораки. Веќе симптоматично е дека работата на комисија влегува во еден методолошки ќорсокак и за ова треба да се разговара во наредниот период“, рече Ѓоргиев.

Вели дека за 5-6 средби нема резултати. 

И кај бугарската страна има незадоволство бидејќи нема напредок. 

Во седум градови во земјава нема заболени од коронавирусот. Расте бројот на општини каде нема активни случаи. 

Во Кавадарци, Берово, Пробиштип, Богданци, Демир Капија, Пехчево и Дојран немаат заболени. 

Во последните 24 часа се направени 2.885 тестирања, а регистрирани се 20 нови случаи, има 30 оздравени и 2 починати. 

ИЗРЕЧЕНИ КАЗНИ ЗА „ДВОЈНИК“

Од тројцата обвинети кои не ја признаа вината во случајот „Двојник“ за фалсификување на 215 лажни пасоши за членови на подземјето, одредена е една затворска казна од три години и две условни.

Кривичниот суд на Фарук Буки му одреди три години затвор, додека за Весна Колевска и Бранислава Владичевска беше изречена условна казна во траење од една година.

БОГДАНОВИЌ ДАДЕ ОБЈАСНУВАЊЕ ЗА ИСЕЧЕНИТЕ ДРВЈА

Саша Богдановиќ, градоначалникот на Општина Центар, по вчерашната реакција на граѓаните за сечењето на еден од најубавите дрвореди во Скопје при реконструкцијата на улицата „Орце Николов“, рече дека отстранети се осум дрва кои или биле шупливи или немале корен со што претставувале опасност за граѓаните.

- Ние кога најавивме, најавивме дека нема да фали ниту едно дрво на местото каде што било претходно. Тоа значи дека, доколку сме утврдиле дека одредено дрво е суво и исушено, нормално е дека треба да биде заменето со друго, рече Богдановиќ.

ЧИТАЈТЕ УШТЕ

На претстојниот попис се очекува да продолжат обидите за асимилација на дел од Македонците муслимани од кои ќе се очекува да се приклонат кон една или друга етничка група или идентитет.

Одморот е потребен по цела година работа, но според податоците кои претходно ги објави Евростат, од 57 па до 61.2 отсто од граѓаните во земјава не можат да си дозволат да заминат на одмор.

Минатата година за субвенции биле исплатени 2,555 милијарди денари без ДДВ од сметките за електрична енергија за повластени производители на струја од обновливи извори. 

Откако во октомври 2019 година стави своевидно вето на проширувањето на ЕУ, францускиот претседател Емануел Макрон вчера, по средбната со премиерот Зоран Заев, даде голема поддршка за македонските евроинтегративни процеси.

Државата воведува новини во субвенционирањето на странските инвеститори. Отсега па натаму странските компании што сакаат да вложуваат во зоните во Скопје, ќе добиваат помала државна помош од инвеститорите кои ќе вложуваат во другите градови од државата.