ФАКТОР НА ДЕНОТ: Свадби со строги правила, на гостите ќе им се мери температура

Добивај вести на Viber

СВАДБИТЕ ЌЕ СЕ ОРГАНИЗИРААТ СО СТРОГИ ПРАВИЛА

Задолжително е мерење на температура пред влез на гостите од страна на одговорно лице од угостителскиот објект. Доколку кај некој од гостите се констатира покачена телесна температура (температура повисока од 37,5 степени) веднаш ќе бидат вратени и упатени да се јават кај својот матичен лекар, ова е едно од правилата кои се содржани во Протоколот на организирање на свадби и веселби кој го усвои Владата на вчерашаната седница. Денеска владиниот портпарол Мухамед Хоџа рече дека за почитувањето на правилата ќе се грижи организаторот, а контроли ќе прават наделжни институции. Не се прецизираше колкави се казните ако не се почитува протоколот.

Во него стои дека организирањето свадби, прослави и веселби е дозволено во отворениот дел на угостителскиот објект/тераса. Тераса претставува простор кој има покрив и кој е отворен од трите страни.

МУЗИЧАРИТЕ ЌЕ ПРОТЕСТИРААТ

Музичарите не се задоволни со одлуката да се дозволи жива музика само на свадбите но не и во угостителските објекти.

Поради ова тие преку Здружението „Музика сега“ во петок, односно на 04 јуни годинава, најавуваат протести во Скопје и ги повикуваат сите кои работат во оваа индустрија да им се придружат. 

НОВИ 43 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 3.007 тестирања, а регистрирани се 43 нови случаи на КОВИД-1 од:

Скопје – 24, Куманово – 5, Битола и Охрид – по 3, Прилеп, Тетово и Кичево – по 2, Гевгелија и Виница – по 1.

Регистрирани се 48 оздравени пациент од:

Скопје – 17, Прилеп – 6, Битола – 5, Охрид – 4, Штип, Струга и Ресен – по 3, Куманово,Тетово, Виница, Гостивар, Струмица, Кочани и Пробиштип – по 1.

МАКЕДОНЕЦ УАПСЕН ВО ТУРЦИЈА

Македонскиот државјанин Бобан Томовски, со престој во Берлин, Германија, соработник на нарко босот Седат Пекер, бил приведен на аеродромот во Истанбул и се очекува в сабота да биде испорачан во Македонија, пишуваат турските медиуми. Томовски бил приведен во обид да патува за Египет.

Во Турција има потерница по Седат Пекер како водач на голема криминална организација, а се претпоставува дека е тој избеган во Обединетите Арапски Емирати.

ЗАЕВ СЕ НАДЕВА ДЕКА ЌЕ ИМА МЕЃУВЛАДИНА КОНФЕРЕНЦИЈА

Ако успее дијалогот со источниот сосед, можно е на 23 јуни да се случи првата меѓувладина седница. 

Премиерот Зоран Заев верува дека ќе се изнајде конечно решение за исчекор во спорот со Бугарија. Според него, има добра основа низ португалскиот предлог да се изнајде решение со Бугарија.

ЧИТАЈТЕ УШТЕ

Ниту еден занает не е отпорен на корона кризата, а пандемијата придонесе да се намали бројот на нови занаетчиски дуќани.

Владата предложи нов таканаречен Интервентен план за инвестиции вреден над 8 милијарди евра до 2027 година. Додека се планираат јавните и приватните инвестиции во планот, а економските аналитичари со различни мислења изразија и сомнеж околу реализацијата - земјава континуирано брои слаби резултати кога странските инвестиции се во прашање.

Судскиот процес што се води против неа го нарече фатаморгана, со правни небулози и глумење на јавнообвинителско постапување. Фросина Ременски, професорка и поранешна висока партиска, но и државна функционерка, а сега обвинета во случајот Меѓународен сојуз, во интервју за Фактор зборува зошто смета дека во овој случај воопшто не постои кривично дело кај неа, ниту, пак, како што вели, таму има издржано обвинение.