ФАКТОР НА ДЕНОТ: Училиштата нема да се затворат иако 14 деца биле позитивни, денес има 26 починати од корона во државата

Добивај вести на Viber

14 ДЕЦА БИЛЕ ПОЗИТИВНИ

Министерката за образование и наука Мила Царовска денеска брифираше дека во текот на вчерашниот ден биле евидентирани 14 позитивни ученици на Ковид-19.

Таа додаде дека овие ученици не биле заболени во училиште, односно дека не биле затекнати како позитивни во текот на наставата и дека немало трансмисија.

- Тоа е морам да истакна 0,01 процент од вкупниот број на ученици во државата, затоа што во моментов со физичко присуство настава посетуваат повеќе од 233.000 ученици. 

Затоа посакувам само да овој процент остане во периодот кој што ни следи заради останување на најдобриот пристап, а тоа е физичкото присуство со почитување на протоколите, рече министерката.

ЗА 24 ЧАСА ИМА 26 ПОЧИНАТИ ОД КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 5.865 тестирањe, а регистрирани се 722 нови случаи на КОВИД-19:

Скопје – 302,Тетово – 51, Куманово – 46, Струмица – 42,Гостивар – 39, Охрид – 24, Велес ,Кичево и Штип – по 21, Кавадарци – 19, Битола ,Свети Николе и Струга – по 18, Прилеп – 16, Кочани – 13, Дебар – 7, Делчево и Радовиш – по 6, Гевгелија , Крива Паланка и Неготино – по 4, Берово, Македонска Каменица ,Пробиштип и Ресен – по 3, Богданци,Валандово и Виница – по 2, Демир Хисар,Дојран, Кратово и Македонски Брод – по 1 .

Регистрирани сe 574 оздравени пациенти од: Скопје – 169, Тетово – 105, Гостивар – 87, Струмица – 36, Куманово – 35, Кичево – 27, Кавадарци – 14, Битола и Кочани – по 13, Штип – 11, Прилеп,Велес и Радовиш – по 10, Свети Николе – 8, Гевгелија – 4, Крива Паланка и Виница – по 3, Неготино, Ресен, Пробиштип ,Македонски Брод и Македонска Каменица – по 2, Охрид, Делчево ,Крушево,Демир Хисар,Демир Капија и Кратово – по 1.

Пријавени се 26 починати лица: 6 починати лица од Скопје (77г,63г,58г,57г,52г,47г,), по 5  починати лица од Тетово (74г,73г,68г,67г и 62г), по 3 починати лица од Гостивар (82г,55г и 52г)  и Куманово (84г,71г и 65г) , по 2 починати лица од Кичево (78г и 68г) и Струга (76г и 45г) и по едно починато лице од Крива Паланка (23г) ,Струмица (73г) ,Штип (67г) ,Охрид (84г) и Прилеп (83г).

ВРАБОТЕН ВО МНР Е ПРИТВОРЕН ВО СРБИЈА

Македонски дипломат e притворен во Србија. 

Министерството за надворешни работи потврдува дека еден вработен во Министерството, кој во моментов е упатен во нашата Мисија во ОБСЕ во Виена, е притворен во Република Србија на 27 aвгуст годинава. Министерството за надворешни работи на Република Србија официјално ја има известено Амбасадата на Северна Македонија во Белград за настанот. 

ШИЛЕГОВ ВЕЛИ ДЕКА СЕМЕЈНАТА КУЌА Е ВО ФАЗА НА РЕКОНСТРУКЦИЈА

Градоначалникот на Скопје и кандидат на локалните избори за уште еден мандат денеска одговори на нападите на опозицијата, нагласувајќи дека неговата семејна куќа е во фаза на, како што кажа, реконструкција, но нападите на ВМРО-ДПМНЕ ги нарече лага, додавајќи дека ќе почека да види до каде ќе оди лагата а потоа ќе ги презентира сите документи.

НОВИ ПРАВИЛА ЗА ПАТУВАЊЕ ВО ХОЛАНДИЈА

Од недела македонските државјани ќе може да влезат во Холандија со исполнување на сите три услови - сертификат за имунизација, негативен ПЦР тест и плус задолжителен 10-дневен карантин потоа.

Од европските земји, овој драстичен услов ќе ваќи и за Црна Гора и Косово.

„На 4 септември ќе стапат на сила голем број важни промени во врска со областите од многу висок ризик. Барањата за луѓето кои патуваат во Холандија од овие земји, исто така, ќе се променат.

ЧИТАЈТЕ УШТЕ

Од утре по пауза од 19 години стартува националниот попис на населението, а прашалниците како акти од Заводот за статистика се донесени уште во февруари. Меѓу најстандардните прашања се оние за број на деца, брачната состојба и дали живеете во вонбрачна заедница, етничката припадност, вероисповест и мајчиниот јазик. Од попишувачот ќе бидете прашани и каде сте се родиле и каде сте живееле претходно пред да дојдете на постојната адреса.

Васка Барјамовска Мустафа добива уште еден мандат од осум години како заменик на Народниот правобранител во земјава.

ВВ „Тиквеш“ убедливо доминира на листата по приходи и според профит. Најсолидна профитна маргина имаат штипски „Езимит“,„Гоце Делчев Тиквеш“ од Кавадарци и Риго Импекс од Скопје. Генерално нашите големи винарии добро се справија со годината што ја одбележаа негативните ефекти од корона кризата

Тетово е на врвот на табелата по смртност со 106 починати пациенти до крајот на август, според последните податоци објавени од Министерството за здравство. Оттаму наведуваат дека епидемиолошките анализи покажуваат дека најголема смртност кај пациенти со ковид имало во градовите каде имало најнизок процент на вакцинирано население, а во Тетово во момент на избувнување на четвртиот бран на корона вирусот процентот на вакцинирани е само 19 отсто од населението.