ФАКТОР НА ДЕНОТ: Угостителските објекти ќе работат до 21 часот, денес имаме 913 заразени

Добивај вести на Viber

СЕ СКРАТУВА РАБОТНОТО ВРЕМЕ НА УГОСТИТЕЛИТЕ

Владата на денешната седница донесе одлука за нови мерки за спречување на ширењето на коронавирусот, објави премиерот Зоран Заев.

Се скратува работното време на угостителските објекти до 21:00 часот, освен за достава и шалтерска продажба на храна.

Оваа одлука важи и за угостителските објекти на бензинските станици, а исклучени се угостителските објекти на ТАВ аеродромите во Скопје и Охрид.

ДЕНЕС ВИСОКА БРОЈКА НА ЗАРАЗЕНИ

Министерството за здравство информира дека во последните 24 часа се направени 2731 тестирања, а регистрирани се 913 нови случаи на ковид-19 во: Скопје-459, Куманово-25, Дебар-1, Штип-18, Прилеп-78, Тетово-44, Струга-11, Велес-79, Битола-33, Охрид-37, Кавадарци-24, Гостивар-9, Гевгелија-3, Струмица-26, Крива Паланка-3, Радовиш-3, Крушево-3, Кочани-8, Пробиштип-2, Демир Хисар-3, Пехчево-1, Берово-1, Валандово-2, Виница-4, Делчево-10, Кратово-5, Свети Николе-9, Кичево-5, Ресен-2, Неготино-5. 

Денеска Институтот за јавно здравје регистрира 421 оздравени пациенти од: Скопје-199, Куманово-18, Штип-15, Прилеп-25, Тетово-25, Струга-6, Велес-11, Битола-7, Охрид-14, Кавадарци-15, Гостивар-11, Гевгелија-16, Струмица-26, Радовиш-5, Крушево-1, Кочани-1, Пробиштип-2, Македонски Брод-1, Берово-4, Валандово-1, Свети Николе-7, Кичево-7, Неготино-4.

МАКЕДОНСКИ ДРЖАВЈАНИН ГО ИЗВЕДЕ НАПАДОТ ВО ВИЕНА

Да не одеше во џамија, туку на бокс, ќе станеше боксер, вели австрискиот адвокат Николаус Раст кој во претходно судење го бранел убиениот терорист Кујтим Фејзулаи. 

Тој раскажа дека терористот растел во сосема нормално семејство, но дека имал несреќа да се дружи со погрешни луѓе.

Адвокатот рече дека никогаш не би помислил дека Фејзулаи би можел да стане атентатор. 

Раст го бранел Фејзулаи, момче со албанско-македонско потекло, на судењето во април лани кога е осуден на затворска казна од 22 месеци поради обид да се приклучи на организацијата „Исламска држава“ во Сирија. За него се дозна откако мајка му го пријави за исчезнат, но се покажа дека се обидел да отпатува во Сирија.

Фејзулаи како тинејџер редовно одел во една џамија каде се радикализирал и уште го дефинирал како момче без ориентација, кое барало место во животот. 

За време на неговата затворска казна за дерадикализацијата се грижело здружението Дерад, а кон крајот на минатата година оцениле дека Фејзулаи повеќе не е опасен и е пуштен од затвор пред време.

ПРОДОЛЖУВААТ ЗАКАНИТЕ ОД БУГАРИЈА, МИЦКОСКИ НЕ САКА УЛТИМАТУМИ

Не можеме да внесеме нерешени проблеми во ЕУ и да ја легитимираме омразата кон Бугарија, вели бугарскиот претседател Румен Радев коментирајќи ја нашава земја. 

Тој најави дека на оваа тема ќе разговара денес со својот германски колега.

Писмен анекс на Договорот, но со содржина од бугарската Рамковна позиција. 

„Сè уште не сме во можност да ја одобриме преговарачката рамка за преговори за Северна Македонија. Не можеме да замижуваме и да не забележуваме дека има проблеми во спроведувањето на Договорот за добрососедство “. Ова е наведено на брифингот од страна на министерката за надворешни работи на Бугарија, Екатерина Захариева, по вчерашната средбата во Берлин.

Претседателот на ВМРО-ДПМНЕ, Христијан  Мицкоски вечерва во вонредното обраќање изјави дека oна што тој го кажа претходно, дека Бугарија бара анекс на Договорот за добрососедство се потврди денеска. 

Вели дека за ова тој предупредувал. Ќе бара обединување затоа што со корените и историските факти нема преговарање. 

„Ги повикувам овие есперанто политичари да не прифаќаат ултиматуми“, рече Мицкоски. 

ЧИТАЈТЕ УШТЕ

Ќе се формира тело кое ќе ги идентификува опасностите и ризиците за финансиската стабилност и ќе презема мерки за одржување на стабилноста на финансиите во земјата. Министерството за финансии ќе почне да го подготвува новиот Закон за финансиска стабилност со кој практично ќе се интституционализира ова тело. 

„УНИБанка“ за првите девет месеци има процентуален најголем раст на добивка и на нето приходи од камати во споредба со сите други банки кои ги објавија финансиските резултати за првите три квартали годинава.

Александра Маројевиќ. директорката на АД Градски енергетски системи, инаку друштво формирано од Град Скопје и со поддршка од Владата, бара од Регулаторната комисија за енергетика но и од останатите државни инстанци претпријатието побргу да ја добие потребната лиценца за работа со топловодната мрежа која инаку во моемнтов е во сопственост на Балкан енерџи груп.

Брзите тестови за ковид направија вистински хаос во земјава. Беа помпезно најавувани од здравствените власти повеќе од еден месец. Концептот беше многу едноставен и во насока на огромен бенефит за граѓаните. 

Семејството на Македонката Розета Карова која живее во Виена, синоќа за време на нападот во центарот на градот било дома. Но, не и 15 минути претходно кога тројцата, таа. нејзиниот сопруг и детето биле излезени на вечера токму во центарот на преубавиот град, во реон на нападите. За ужасот, за среќа, разбрале само што влегле дома - пукањето не го слушнале во живо.