ФАКТОР НА ДЕНОТ: Викенд полицискиот час почнува во 19 часот, се бара одговорност за собирот во Струга

Добивај вести на Viber

УТРЕ ПОЛИЦИСКИОТ ЧАС ПОЧНУВА ВО 19 ЧАСОТ

Владата на тековната 50-та седница донесе одлука за скратување на забраната за движење за време на викенд.

Почнувајќи од утре (09.05), во сабота и недела, граѓаните ќе можат да се движат во периодот од 05:00 часот до 19:00 часот.

Во сабота и недела, сите млади лица под 18 години ќе можат да се движат од 13:00 до 19:00 часот, а сите возрасни граѓани над 67 години ќе можат да се движат од 05:00 до 12:00 часот.

ТЕТОВЕЦ ПОЧИНА ОД КОВИД 19

Денеска се регистрирани 20 оздравени пациенти, вели министерот за здравство, Венко Филипче. 

Има и еден починат пациент од Тетово на возраст од 61 година. Тој починал во болницата „8-ми Септември“. 

Направени се 242 тестрирања во последните 24 часа и се потврдени се 14 нови случаи на Ковид 19. 

КАТИЦА ЈАНЕВА НА СУД СЕ БРАНЕШЕ ДЕКА НЕ ЗЕЛА ПАРИ

Поранешната специјална јавна обвинителка, Катица Јанева се оградува од обвинението на обвинителката Вилма Русковска, а случајот „Рекет“ го нарече монтиран процес. 

Вели дека против неа нема докази, и се правдаше дека не примила пари. Јанева кажа дека никој не влијаел кај неа за да ја олесни положбата на бизнисменот Орце Камчев во случајот „Империја“.

Екс обвинителката кажа дека Камчев сам се интересирал дали е таргет на СЈО и се нудел да помага на обвинителството. Јанева изјави дека Врховниот суд во март го ослободи Камчев од домашниот притвор.

Таа очекува ослободителна пресуда, а нејзините адвокати тврдат дека обвинението нема докази.

СЕ ПОЈАВИЈА НОВИ АУДИО „БОМБИ“

Повторно излегуваат аудио бомби. Дали тоа укажува дека одржувањето на изборите во јуни станува се поизвесно.

Денеска излегоа четири аудиоснимки на кои се слушаат гласовите на лидерот на ВМРО-ДПМНЕ, Христијан Мицкоски и Зоран Милески-Кичеец, кој е осуден на три години затвор за аферата „Рекет“.

На четири објавени снимки се слушаат разговори помеѓу Мицкоски,  Кичеец и извесна женска личност. Од разговорите се добива впечаток дека тие се направени за време на првиот круг од претседателските избори во 2019 година, бидејќи цело време се споменува датумот 21 април, како и дека Мицкоски и Кичеец договараат стратегии за соработка за претседателските избори, но и за после тоа.

ЌЕ СЕ ИСТРАЖУВА ГРУПИРАЊЕТО НА ЛИТИЈАТА ВО СТРУГА

Струшкото јавно обвинителство побара од полицијата да се идентификуваат и повикаат организаторите на вчерашната Литија во Струга во која масовно зедоа учество голем број на граѓани во период кога се забранети јавни собири.

ОЈО Струга соопшти дека е отворен предмет по објавување на снимките и фотографиите на социјалните мрежи од масовното присуство на граѓани на Литијата по повод верскиот празник Св. Ѓорѓија. Издадена е и наредба за обезбедување на безбедносните камери од околните објекти заради идентификација на лицата кои присуствувале на настанот, како и да се утврди дали лицата самоиницијативно присуствувале на настанот.

ЧИТАЈТЕ УШТЕ

Се уште нема информација кога ќе се отворат класичните обложувалници и казината. 

Но, од Управата за јавни приходи тврдат дека владината Уредба со која се овозможи онлајн организирање на игри на среќа, нема никаква врска со уредбата со која беа затворени класичните обложувалници и казината.

На македонскиот пазар на електрична енергија лани 10 фирми регистрирани за трговија со струја свртеле над 10 милиони евра.

Македонија во 2019 потрошила дури 12.000 тони повеќе од штетниот и нееколошки мазут како нафтен дериват. 

Продажбата во земјата изнесува повеќе од 72.000 тони минатата година, што значи голема разлика во однос на претходните.

Најдоа ли начин некои финансиски друштва да им наплатуваат на граѓаните трошоци за брзите кредити од кои „боли глава“ и покрај тоа што декларативно го почитуваат законскиот максимум за вкупните трошоци на кредитот (СВТ)? 

Државниот завод за ревизија ги објави конечните ревизорски извештаи на Сметката за редовно работење на политичките партии Движење БЕСА,  ДУИ, СДСМ и ВМРО-ДПМНЕ.

Објавен е и конечниот ревизорски извештај на политичката партија ДПА – Ревизија на следење на препораките.