ФАКТОР НА ДЕНОТ: Вирусот „коси“, неколку членови на тетовско семејство починале од корона

Добивај вести на Viber

МАКЕДОНИЈА И ДЕНЕС ИМА ВИСОКИ БРОЈКИ НА ЗАРАЗЕНИ

Министерството за здравство информира, согласно податоците од Институтот за јавно здравје:

Во последните 24 часа се направени 5.724 тестирањe, а регистрирани се 760 нови случаи на КОВИД-19:

Скопје – 325, Куманово – 65, Тетово – 63, Гостивар – 37, Струмица – 31, Кичево – 28, Струга – 26, Охрид, Штип и Дебар – по 24, Кавадарци – 18, Велес – 17, Прилеп , Битола и Радовиш – по 9, Кочани – 8, Неготино и Делчево – по 5,Свети Николе, Пробиштип, Кратово и Македонска Каменица – по 4, Ресен и Берово – по 3, Крива Паланка, Виница, Богданци и Македонски Брод – по 2, Гевгелија, Валандово и Крушево – по 1.

Регистрирани сe 644 оздравени пациенти од:Скопје – 219, Тетово – 94, Гостивар – 81, Куманово – 47, Струмица – 34, Кавадарци – 24, Дебар – 22,Кичево -21,Битола и Ресен – по 12, Велес – 10, Кочани – 9, Радовиш – 7, Прилеп ,Штип и Кратово – по 6, Неготино – 5, Гевгелија, Свети Николе, Берово и Виница – по 4, Валандаво ,Македонски Брод и Пехчево – по 2, Охрид, Струга,Крива Паланка , Делчево ,Богданци ,Демир Хисар и Македонска Каменица – по 1.

НЕКОЛКУ ЧЛЕНОВИ НА ТЕТОВСКО СЕМЕЈСТВО ПОЧИНАА ОД КОРОНАВИРУСОТ

Дури четворица членови од исто семејство починале во ковид центарот во тетовската болница, потврди за Слободен печат доктор Миранда Пајазити.

Сите четворица пациенти биле од исто семејство и според едпидемиолошката анкета дале податок дека присуствувале на свадбена прослава, а починале во период од една недела.

ЗАЕВ И ДИМИТРИЕВСКИ ГИ КОНФРОНТИРААТ СВОИТЕ СТАВОВИ

Премиерот Зоран Заев за прв пат ја искоментира одлуката на Максим Димитриевски да оди независно на локални избори како кандидат за градоначалник на Куманово и рече дека по автоматизам таквата одлука, според статутот на СДСМ, значи исклучување од владеачката партија.

Претседателот на СДСМ додаде дека самата партија му овозможила на градоначалникот на Куманово да направи политичка кариера и дека формално ќе биде исклучен на следниот централен одбор на партијата.

По изјавата на премиерот Зоран Заев, дека кумановскиот градоначалник Максим Димитриевски на следната седница на Централниот одбор на СДСМ ќе биде исклучен, реагираше веднаш Димитривески, кој праша како може раководството на партијата однапред да ја знае одлуката на Централниот одбор, пренесува ТВ 21.

ЧИТАЈТЕ УШТЕ

Милиони садници ќе бидат засадени на местата кои во август годинава беа зафатени со пожари.

Денеска на берза ќе се организира јавна берзансака аукција на која ќе се продаваат акции во моќни домашни компании. Станува збор за капитал кој во нив го имала пропаднатата Еуростандард банка, сега во стечај. Акциите се продаваат во пакети од кои повеќето се нудат по моделот „се или ништо“. Во сите ќе поминат акции чија почетна цена во вкупна сума надминува над 2,1 милион евра.

Извршителите во просек имале чиста индивидуална заработка од 1,516.728 денари минатата година според надзорот на работата на извршителите што го објави Министерството за правда за 2020. Toa значи дека месечно имал личен приход од нешто повеќе од 2.000 евра.

Помалку криминални случаи се докажувале преку снимање телефони и други посебни истражни мерки, но биле следени поголем број криминалци. Или попрецизно, се следеле и се снимале повеќе криминални групи, наместо поединци. Најмногу се следеле луѓе осомничени за дрога, потоа за злоупотреба на службената положба, но и за криумчарење мигранти. 

Вакцината не го спасила светот е ставот на Гордана Гоџо од Здружение за заштита на човековите права „Од нас, за нас“. Во интервјуто за Фактор, вели дека во вакцините, вклучувајќи ја и оваа против ковид има штетни состојки од кои произлегуваат низа нус ефекти, заради што е клучно правото на избор, дали една индивидуа ќе избере да ја прими вакцината или не.