ФАКТОР НА ДЕНОТ: ВМРО-ДПМНЕ бара оставка, а Левица суспензија на Tалат Џафери

Добивај вести на Viber

НЕ СТИВНУВААТ РЕАКЦИИТЕ ЗА НАВРЕДИТЕ И ПЦОВКИТЕ НА ТАЛАТ ЏАФЕРИ

Политичката партија Левица бара собраниската Комисија за деловнички прашања да му изрече суспензија на собранискиот претседател Талат Џафери, за кого се појави аудио снимка на која тој пцуе и навредува вработени. 

Лидерот на ВМРО-ДПМНЕ,  Христијан Мицкоски  вели дека се срами што воопшто познава таков човек каков што е собранискиот претседател Талат Џафери. 

СПЦ ЌЕ ЈА ПРИЗНАЕ МПЦ?

СПЦ треба официјално да ја потврди одлуката на вселенскиот патријарх Вартоломеј за признавање на автономната Охридска архиепископија, па така по 55 години расклоп, пишува српски „Курир“.

„Српската црква ќе ја признае македонската во рамки на Охридската архиепископија. Тоа сакаше да го направи и самата, но вселенскиот патријарх итно ја донесе оваа одлука за да му припадне благодарноста за признавањето. Признавањето од СПЦ ќе значи и сериозни промени, а тоа ќе биде повлекување на архиепископот Јован“, пишува медиумот.

Вселенската Патријаршија пред неколку дена ја призна нашата Црква Охридската Архиепископија за канонска. 

Во Харков сега е мирно и луѓето се враќаат, потврди градоначалникот Ихор Терехов за Би-Би-Си. 

Тој изјави дека Русите се повлекле од областа на градот Харков во правец на руската граница. Градоначалникот кажа дека руските трупи само еднаш успеале да влезат во мал дел од клучниот североисточен град. 

ТУРЦИЈА СЕ НУДИ ДА ГИ ЕВАКУИРА БОРЦИТЕ ОД АЗОВСТАЛ

Турција се нуди за евакуација на ранетите борци од фабриката за челик Азовстал во украинскиот град Мариупол. 

Во интервју за Ројтерс, портпаролот на турскиот претседател Реџеп Таип Ердоган, Ибрахим Калин изјави дека пред две недели во Киев лично разговарал за предлогот со украинскиот претседател Володимир Зеленски и дека ќе остане на маса, иако Москва не се согласува со тоа.

Луѓето евакуирани од фабриката ќе бидат транспортирани по копно до пристаништето Берџанск, кое исто како и Мариупол се наоѓа на Азовското Море, а турски брод ќе ги превезе преку Црното Море до Истанбул.