ФАКТОР НА ДЕНОТ: ВМРО-ДПМНЕ бара оставка од Џафери по аудио снимката на која навредува, Ковачевски вели недостигаат детали

Добивај вести на Viber

ВМРО-ДПМНЕ БАРА ОСТАВКА ОД ЏАФЕРИ,  А КОВАЧЕВСКИ ВЕЛИ НЕ СЕ ГЛЕДА КОЈ И СО КОГО ЗБОРУВА

Премиерот Димитар Ковачевски не сака да го осуди говорот на собранискиот спикер Талат Џафери од снимката направена на пленарна седница во Собранието. Претседателот на Владата вели дека недостигаат детали.

- Таа снимка ја погледнав, но не се гледа со кого се разговара, ниту кој разговара. Не можам да дадам коментар, бидејќи нема конкретно кој зборува и со кој зборува, одговори Ковачевски на настан во Велес запрашан од медиумите да даде коментар за овој инцидент.

Аудиоснимката покажа скандалозен однос на спикерот Талат Џафери кон вработени во Собранието. 

„Непријатно сме изненадени од примитивизмот на претседателот на Собранието, Талат Џафери, кој мислејќи дека камерите се исклучени ги навредува и со најпогрдни пцовки ги малтретира вработените во Собранието“, рекоа од ВМРО-ДПМНЕ во однос на аудиоснимка од настанот објавена од партијата.

На снимката се слуша како тој пцуе. Снимката можете да ја чуете овде. 

НЕМА ДОГОВОР МЕЃУ СОНК И МОН

До вторник ќе се знае дали наставниците ќе добијат повисоки плати или повторно ќе има штрајк. 

ЌЕ ИМА КРИВИЧНИ ЗА ПОЖАРОТ ВО МОДУЛАРНАТА БОЛНИЦА ВО ТЕТОВО

Тетовското обвинителство уврдило кривична одговорност за пожарот што се случи во модуларната болница во Тетово лани, кога живи изгореа 14 пациенти. 

НОВИ НАПАДИ И ЖРТВИ ВО УКРАИНА

Најмалку двајца загинати и седум повредени има при руските напади во градот Дергачив во Украина. 

„Руска ракета погоди и територија на аеродромот во Харков, а во гранатирање на областа Салтивка, повредени се три лица“, изјави гувернерот на регионот Харков, Олег Синегубов. 

Украинците ги спречиле руските сили да поминат клучна река во источна Украина. 

ЧИТАЈТЕ УШТЕ

Некогашниот текстилен гигант „Тетекс“ е економско чудо! Консолидираниот биланс покажа дека Глигорие Гоговски држи лекции за профитабилност. “Тетекс“ за еден квартал има профит од 225.000 евра на приходи од продажба вредни 186.000 евра... се ова е резултат на квалитетни навремени инвестиции

Набргу треба да се објави јавен повик за проектот Купи куќа купи стан, и тој ќе биде последен, по цели десет години постоење на оваа државна акција за полесно обезбедување на сопствен дом на граѓаните.

Европската банка за обнова и развој официјално објави дека е започнато администрирањето на заемот од 100 милиони евра за АД ЕСМ за надминување на енергетската криза, а кредитот ќе биде одобрен на 20 јули.

„Златна Бубамара на популарноста“ го прослави својот 25 роденден сношти, со маратонско издание на популарното шоу. Траеше четири ипол часа, и без оглед што дел од публиката не остана до крајот во А1 арената, „Бубамара“ повторно собра голем дел од нашите најважни  утетници, спортисти, ТВ лица на едно место.