ФАКТОР НА ДЕНОТ: Во Македонија пристигна најсовремената „коктел терапија“, денес имаме 26 заразени со коронавирусот

Добивај вести на Viber

ВО ЗЕМЈАВА ПРИСТИГНА „КОКТЕЛ ТЕРАПИЈАТА“ ЗА ЛЕКУВАЊЕ НА БОЛНИ ОД КОВИД

Пристигна најсовремениот метод на терапија за пациенти заболени со вирусот Ковид 19, моноклонална „коктел терапија“ со антитела од лековите "CASIRIVIMAB и IMDEVIMAB”,  одобрена за употреба од Европската агенција за лекови (ЕМА), информира Министерството за здравство. 

ЗА 24 ЧАСА ИМА 26 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 2.866 тестирања, а регистрирани се 26 нови случаи на КОВИД-19:

Скопје – 13 , Тетово – 5, Гостивар – 3, Кичево - 2 и Куманово, Прилеп и Штип – по 1.

Регистрирани сe 8 оздравени пациенти од: Струмица – 3, Куманово и Тетово – по 2 и Скопје - 1.

Не се регистрирани починати пациенти.

Направени се 2.866 тестови преку: ИЈЗ-83, ЦЈЗ Скопје-34, ЦЈЗ Битола-39, ЦЈЗ Прилеп-22, ЦЈЗ Тетово–21, ЦЈЗ Куманово–14, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија 0, ГОБ 8-ми Септември-8, Институт за микробиологија–16, Жан Митрев (Филип Втори)-52, Авицена-147, Биотек-152, Систина-79, лабораторија Лаор-178, Синлаб-26, Ремедика-16, Плодност–31, Генеа–3, Никоб лаб-652, ВФВ Медикал-7, ЈЗУ и ПЗУ (рапид тест) – вкупно 1.286.

СЕ НАМАЛУВА ДДВ-ТО ЗА СТРУЈАТА 

Се намалува ДДВ-то за електрична енергија. Со 83 гласа „за” денеска во Собранието е усвоено намалувањето на ДДВ на струја од 18 на 5 проценти. 

Власта планираше пониското ДДВ да почне да важи од 1 јули за да се ублажи ударот од повисоката цена на електричната енергија, но тоа ќе се случи дури по објавување на измените во Службен весник. 

ЛЕВИЦА ЌЕ ГО БЛОКИРА СОБРАНИЕТО

На повидок е нова блокада на Собранието. 

Пратениците од Левица не го виделе законското решение за државјанствата, но во знак на револт најавија блокада со амандмани на сите закони кои ќе ги предлага власта. Ги повикаа и останатите опозициски партии да го следат нивниот потег. 

„Оваа Влада очигледно само јазикот на силата го разбира“, рече Борис Крмов, пратеник од Левица. 

ЧИТАЈТЕ УШТЕ

Високите температури кои деновиве се искачија и до 40 степени во делови од Македонија, им создадоа дополнителна работа на земјоделците кои сега мораат многу почесто да ги наводнуваат нивите. 

Инаку во првиот квартал од годинава државата успеала да собере во буџетот од ДДВ безмалку 213 милиони евра, а во цела пандемиска 2020 година по овој основ во буџетот инкасираше нешто над 762 милиони евра. Во 2019 година, нето платениот ДДВ во буџетот изнесува 846 милиони евра. 

Министерството за финансии го објави списокот со приходи, односно загуби и добивки на јавните претпријатија и државните акционерски друштва во 2020, на кој може да се види дека покрај оние редовните кои секогаш неизбежно се во „дупка“, оваа година има и такви кои бележат голема негатива иако претходно работеле финансиски стабилно.