ФАКТОР НА ДЕНОТ: Во Македонија заразени 70 луѓе, казни за оние кои не ја почитуваат изолацијата

Добивај вести на Viber

НОВИ ЗАРАЗЕНИ ОД КОРОНАВИРУСОТ ВО МАКЕДОНИЈА

Mинистерот за здравство, Венко Филипче денеска на прес-конференција изјави дека ќе се обединат капацитетите на двете лаборатории во Институтот на јавното здравје и Жан Митрев. 

Направени се 43 теста, а 3 се позитивни денеска. 

Сега имаме 70 заразени, рече Филипче. 

Една пациентка патувала во Србија, бабата на девојчето од Штип е позитивна, и еден пациент од Скопје.  Заболени има во Скопје, Дебар, Гостивар, Штип и Охрид. 

„Сите пациенти се со стабилна, лесна до средна клиничка слика“, рече министерот. 

Жената од Дебар која е на апарати за дишење е во критична фаза. 

КАЗНИ ЗА ЛУЃЕТО КОИ НЕ ЈА ПОЧИТУВААТ ИЗОЛАЦИЈАТА

Македонка од Швајцарија наместо во изолација се прошетала низ Охрид, a ОЈО предлага казна од 3.000 евра. 

Основното јавно обвинителство Охрид постапувајќи по поднесената кривична пријава денеска до Основниот суд во Охрид доставиле предлог за издавање на казнен налог за македонска државјанка со живеалиште во Швајцарија. Жената сторила кривично дело „Непостапување според здравствени прописи за време на епидемија“ предвидено и казниво.

МАКЕДОНСКИ ФИРМИ ВЕЌЕ ПРАВАТ МАСКИ

Текстилните компании во земјава почнаа со производство на заштитни маски. Станува збор за висококвалитетни маски кои почнаа да се произведуваат во една прилепска фабрика, а денеска првите маски ги произведе и фирма од Македонска Каменица. 

Текстилна конфекција од Македонска Каменица, „Текстил М“ почнала со производство на висококвалитетни повеќенаменски заштитни медицински маски, јавуваат медиумите.

ПЕНДАРОВСКИ ГО ЗАВЕРИ ЧЛЕНСТВОТО ВО НАТО

Претседателот Стево Пендаровски денеска го потпиша Инструментот за пристапување на Македонија во НАТО.

Потпишувањето на инструментот е финалниот чекор за членството во НАТО. 

Македонија од Алијансата доби известување дека сите ратификации од земјите-членки се депонирани во Вашингтон.

ЧИТАЈТЕ УШТЕ

Откако е прогласена вонредна состојба која ќе трае еден месец за да се спречи ширењето на коронавирусот, такси превозниците се загрижени затоа што веќе трпат загуби. 

Патници има многу малку, и затоа стравуваат за својата егзистенција. 

Стопанството активно ќе продолжи да ги следи мерките од Владата, но потребно е итно да се преземат и дополнителни мерки во корист на македонските компании.

Претседателот на Стопанската комора Бранко Азески предлага да се формира кризен штабво кој ќе бидат вклучени претставници од реалниот сектор и од државата која треба да ги стави сите ресурси на располагање на компаниите.

Состојбата со ширењето на коронавирусот наметна живеење по други правила. Сите сектори се на голем удар. 

Со големи тешкотии во моментов во нашава земја се соочуваат и сите приватни училишта и спортски клубови каде децата имаат воншколски активности. 

Во обид да бидат тестирани од коронавирусот, голем број луѓе се обидуваат да ги добијат Центрите за јавно здравје, но безуспешно.

И по неколкупати инсистираат, тим да дојде и да им земе брисеви, но велат дека им било кажано, да останат дома, и доколку се влоши состојбата, тогаш да се јават повторно.

Вработените во гигантот од слободните економски зони „Џонсон Мети“ се известени од утре да не доаѓаат на работа. 

Преку електронска пошта биле известени дека произведувачот на катализатори нема да работи 30 дена, дознава „Фактор“.