ФАКТОР НАПРАВИ ГРУБА ПРЕСМЕТКА: Еве колку ќе чини моралното менување документи заради Преспанскиот договор со новите поскапувања!
Објавено во: Финансии 26 Март, 2023
До февруари
2024 година, граѓаните имаат законска
обврска да ги сменат сите личните
документи на кои наместо досегашното
име Република Македонија, треба да стои
новото име, кое произлегува од Преспанскиот
договор со Грција, Република Северна
Македонија.
Па така, првичните износи, пред МВР да направи покачување на цените, беа околу максимум четири илјади денари.
Сега, новото решение за цени на МВР, со кое се покачуваат цените на вадењето лични документи, заради зголемени набавни цени на увезени обрасци, зголемени трошоци за одржување на системот и набавка на нови машини, практично значи дополнителен товар на и онака кревките буџети на граѓаните.
Фактор направи пресметка за тоа, колку ќе ги чини граѓаните договорот од Преспа и паралела на досегашните и новите цени.
До февруари 2024 година, еден граѓанин до 27 години ќе треба да плати: 310 денари за лична карта, 410 денари за возачка (ако има положено), и за пасош 1.500 денари. Ако лицето има и возило на свое име, тогаш ќе треба да доплати плус 1250 за нови таблички и 250 денари за нова сообраќајна дозвола. Значи ќе треба да плати вкупно 3.720 денари.
Ако е над 27 години, тој износ се менува, затоа што износот за пасош поскапува. Па така, лицето од 28 години нагоре, ќе треба да плати 4.220 денари.
Ако е во брак, со само едно возило, тој износ ќе биде поголем и ќе изнесува 6.940 денари.
Ако е во брак и има едно дете, тогаш износот расте за плус околу 1500 денари (во зависност од возраста на детето, варира и цената на административната такса) заради вадењето пасош. Бројката расте за околу 1500 денари со секое дополнително дете.
Па така, просечно семејство со две деца, ќе треба да плати 9.940 денари. Ако ова семејство има две возила, тогаш ќе треба да плати 11.440 денари.
Во овие пресметки ги нема вкалкулирано износите за итни постапки.
Еве кои беа претходните цени:
Замена на лична карта – 190 денари. . Возачка дозвола во редовна постапка (280 денари за образецот, 110 денари административна такса) – вкупно 390 денари. Возачка дозвола во редовна постапка, кога дозволата не е важечка (280 денари за образецот, 170 денари административна такса) – вкупно 450 денари. Возачка дозвола во итна постапка (840 денари за образецот, 110 денари административна такса) – вкупно 950. Сообраќајна дозвола (200 денари за образецот, 110 денари административна такса) – вкупно 250 денари. Регистарски таблички за моторно возило (1.200 денари за образецот, 50 денари административна такса) – вкупно 1.250 денари. Пасош за деца до четири години (1.500 денари за образецот, 100 денари административна такса) – вкупно 1.600 денари. По итна постапка (4.500 денари за образецот, 100 денари административна такса) – вкупно 4.600 денари. Пасош за лица од четири до 18 години (1.500 денари за образецот, 200 денари административна такса) – вкупно 1.700 денари. По итна постапка (4.500 денари за образецот, 200 денари административна такса) – вкупно 4.700 денари. Пасош за лица од 18 до 27 години (1.500 денари за образецот, 200 денари административна такса) – вкупно 1700 денари. По итна постапка (4.500 денари за образецот, 200 денари административна такса) – вкупно 4.700 денари. Пасош за лица над 27 години (1.500 денари за образецот, 300 денари административна такса) – вкупно 1.800 денари.По итна постапка (4.500 денари за образецот, 300 денари административна такса) – вкупно 4.800 денари
Еве кои се новите цени:
За лична карта граѓаните ќе мораат да платат 310 денари, што е зголемување за 120 денари. Возачката дозвола ќе чини 410 денари, што е поскапо за 130 денари. Цената на пасош за лице до 27 години останува 1500 денари, но за лице над 27 години ќе изнесува 2000 денари.
Овие цени се дел од новото решение за цени на Министерството за внатрешни работи. Ќе има промени и во цените по итна постапка. Пасошот по итна постапка ќе чини 6.100 денари, што е зголемување за 1.600 денари, додека пак за возачка дозвола ќе се наплаќа 1.230 денари, што е зголемување за 390 денари.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2023 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
„ДА СУМ ЈАС ВЛАСТ, БИ ГИ ЗАБРАНИЛ КРИПТОВАЛУТИТЕ“ - Џејми Дајмон му се „нафрли“ на биткоинот
НАШИТЕ БАНКИ СЕ СООЧИЈА СО МНОГУ КРИЗИ, НО ТИЕ СЕ СТАБИЛНИ И ОТПОРНИ - еве што порача гувернерката Ангеловска-Бежоска
ДУРИ 70 ПРОДАВНИЦИ И НАД ТРИ ИЛЈАДИ ВРАБОТЕНИ ВО ЛИДЛ-СРБИЈА: Во Краљево и Златибор се отворија продавници
РУСИЈА ЗАРАБОТУВА ПОВЕЌЕ ОД НАФТА ОТКОЛКУ ПРЕД САНКЦИИТЕ: Пораснале приходите од продажбата
РАСТЕ ЦЕНАТА НА АКЦИЈАТА НА КОМЕРЦИЈАЛНА БАНКА - очекуваат ли акционерите „мрсна“ дивиденда од моментално најпрофитабилната банка
ЗА ПЕНЗИОНЕРИТЕ ДОГОДИНА 100 МИЛИОНИ ЕВРА, А ЌЕ СЕ СУБВЕНЦИОНИРААТ И ПРИДОНЕСИ ЗА ПОГОЛЕМИ ПЛАТИ: Лукаревска со детали за антикризните мерки
Маринис Стратопулос уште четири години ќе биде член на НО на Стопанска банка Скопје - ГУВЕРНЕРКАТА ЈА ИЗДАДЕ ПОТРЕБНАТА СОГЛАСНОСТ
„Биди во акција со секоја трансакција“ – Наградна игра со Mastercard од Комерцијална банка за главна награда од 1.000.000 денари
ВРЕМЕНА МЕРКА ЗА ПОКАЧУВАЊЕТО НА ПЛАТИТЕ НА ВРАБОТЕНИТЕ ВО ФИНАНСИИ И ОРГАНИТЕ ШТО РАБОТАТ ПОВРЗАНО СО БУЏЕТОТ: До одлуката, нема да земаат покачена плата од 30 отсто
