ФАКТОР СО ДЕТАЛИ-НА БОКИ 13 МУ Е ОТСТРАНЕТ ПОГОЛЕМ ДЕЛ ОД ЖЕЛУДНИКОТ: „Сега е на Одделението за интензивно лекувње“
Објавено во: Македонија 31 Март, 2023
Вчерашниот
оперативен зафат на желудникот на Бојан Јовановски-Боки 13 траеа околу 3 и пол
часа, потврдуваат извори на Фактор од Клиниката за хируршки болести „Свети Наум
Охридски“ или поранешна Градска болница. Велат дека станува збор за една од
потешките операции која е успешно завршена.
-По долги испитувања направени кај пациентот Бојан Јовановски, стричниот колегиум одлучи да направи оперативен зафат бидејќи постоеја сериозни индикации за тоа. Беа утвредни промени на овој витален орган заради што мораше да се направи операцијата. При тоа, кај пациентот отстранет е поголем дел од желудникот, односно останати се само 15 проценти од органот. Со текот на времето ќе има проширување, но засега од желудникот му се останати само 15 проценти. Потоа, кај пациентот е направено спојување на остаточниот дел од желудникот со тенкото црево за да има нормална функција цо однос на хранењето, велат изворите на Фактор.
На прашањето за какви промени на желудникот станува збор, болничките извори за Фактор брифираат дека станува збор за претканцерогени промени заради што операцијата била неопходна.
-Освен претканцерогени промени, кај пациентот секако постоеше голем ризик за развој на посериозна состојба од претходните зафати кои ги имал направено. Сега ќе следува еден постоперативен период на адаптација. Во моментов е на Одделението за интензивно лекување, а откако ќе биде преместен на одделение прво ќе се почне со течна исхрана за да може целосно да закрепне, истакнува изворот на Фактор.
Анита Буховски