ВИДЕО Фактор24: Ќе го играме „Тешкото“ или ќе се „Молиме“ - Каква политичка разврска не очекува

Добивај вести на Viber

Во второто издание на новиот ТВ политички магазин Фактор24 ја обработуваме темата за постизборното расположение во Македонија и импликациите од изборната кампања која беше одбележана и од користењето на поезијата на Блаже Коневски со песните „Тешкото“ и „Молитва“ во двата рекламни спота на опозицијата и власта. 

Најемотивниот дел од кампањата се пресликува и во овој неизвесен период кога исходот од изборите вечерва ќе биде потврден од ДИК и ќе видиме во која насока ќе се движи Македонија. 

Во Фактор24 ги анализиравме и економските последици од долготрајната политичка криза, бараме одговор на прашањето што треба да биде приоритет на идната влада.

Во ова издание на Фактор24 импресии од карикатуристот и портретист Сабедин Ејупи Сајгон, неговите секојдневни средби со минувачите, кои се нивните очекувања и како гледаат на цртежите, дали тие се огледало на моменталната општествена слика.

Исто така ќе може да ја погледнете и новата ТВ колумна Факторизација на Христијан Станоевиќ за очекувањата на политичарите од изборите и што добија, а што загубија, дали првичната еуфорија не одведе во нова општествена тензија. 

Фактор24 е телевизиски проект на тимот на веб порталот faktor.mk со водителот Горазд Чомовски и покрај на интернет страните и социјалните мрежи магазинот ќе може да го гледате секоја среда во 22:30 часот на ТВ 24 Вести.