Факултетлии колку население на цел еден град седат дома без работа
Објавено во: Економија 06 Февруари, 2019
Дека и со завршено високо образование тешко се доаѓа до работно место во Македонија, покажуваат и статистичките податоци.
Во третиот квартал од 2018 година, во Македонија се евидентирани 23.803 невработени лица со високо образование. Овој податок е објавен од Државниот завод за статистика.
Една година претходно или во 2017 година, без работа биле 24.444 луѓе со завршено високо образование во истиот квартал. Тоа е еднакво на населението во некој од помалите градови од Македонија.
„Тешко им е на луѓето со високо образование да добијат работа, затоа што работните места им ги земаат луѓето кои се со понизок степен на образование. Ниту во приватниот сектор, ниту во јавниот нема добри плати за кадрите со високо образование. Се бараат компетенции, но тоа е веќе друго прашање. Ние кога бевме млади тргнувавме на работа за каква било работа, но сега работите се многу сменети. Познавам многу луѓе со факултет кои се без работа. Младите сакаат убав автомобил, убав стан, убав живот, а тоа можат да го добијат само со работа надвор од Македонија“, вели Лилјана Полеска, социолог.
Таа додава дека ниските плати не ги мотивираат младите, напротив ги тераат да бараат излез надвор од државата.
За работа, потребна е помош од партија, инаку сиот труд е џабе, вели 27 годишна млада девојка од внатрешоста со завршено високо образование.
Таа додава дека на ваков начин Македонија ќе ги изгуби квалитетните кадри, затоа што квалитетот не се цени, напротив политизацијата е навлезена во секоја пора на општественото живеење.
„Воопшто не се наоѓа работа, сѐ е исполитизирано, колку и да си квалитетен, колку и да се трудиш. Ако не си поддржувач на одредена партија, ќе си седиш дома. Грешката кај нас е што ние не знаеме да си го цениме квалитетот, и полека квалитетот си заминува. Сите чекаме шанса да си заминеме од Македонија за подобар живот и подобри услови. Пак ќе кажам, можеби и таму не цветаат рози, но трудот се исплаќа. Koга би можела да се иселам веројатно тоа би било во Германија“, вели таа.
Во Македонија има и многу високо образовани луѓе кои и по една деценија и повеќе се со статус невработени. Некои бараат исклучиво работа по струка, но нивните обиди и по години остануваат безуспешни.
Сања Атанасовска* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ЕВЕ КАКО ИЗГЛЕДА ФАМОЗНОТО МЕТРО ВО СОЛУН: Конечно се отвара
„МАШИНИ КОИ СЕ БОРАТ СО ТОВАРОТ НА ВРЕМЕТО, ЈАГЛЕН КОЈ Е ДАЛЕКУ ОД КВАЛИТЕТ“: Божиновска констатираше лоша состојба во РЕК Осломеј
ПОВЕЌЕ ОД 360 ИЛЈАДИ РАБОТНИЦИ И ФАЛАТ НА ГЕРМАНИЈА: Како најголемата европска економија падна на ова дереџе?
ЗА ОВАА РАБОТА ВО ГЕРМАНИЈА ПЛАТАТА Е СОЛЕНА: Бројот на работници кои се потребни за овие позиции е двојно зголемен и не е потребна диплома
ИМААТ ДОЛГ КАКО ГРЦИЈА: Која европска земја се изедначи со јужниот сосед?
Средба на министерката Божиновска, со амбасадорот на Кралството Шпанија, Н.Е. Рафаел Сориано Ортиз
ДРАМА НА НЕБОТО НАД БЕЛГРАД - авион кој леташе за Подгорица се судри со јато птици, ова е исходот
Членовите на задолжителниот пензиски фонд на „Сава“ за еден ден станаа побогати за 3,5 милиони евра! Кој е нивниот добротвор?
