Фалсификати: Внимателно со патиките Адидас и чоколадите Киндер Буено!?

Добивај вести на Viber

816 пара патики со лого на трговската марка Адидас, привремено се задржани на граница откако цариниците откриеле нерегуларности при контрола на македонски камион, управуван од македонски државјанин, пријавен за влез во државата на граничниот премин Деве Баир. Сомнителната стока со потекло од Бугарија, била наменета за фирма увозник од Скопје. Вредноста на патиките, доколку би се продавале како оригинал на македонскиот пазар би достигнала до 2,5 милиони денари, соопштија денеска од царинската управа. Во одделна акција минатата седмица,  цариниците заплениле и 3.600 килограми крем табли со изглед што наликува на производот „Kinder Bueno“ на производителот „FERRERO SPA„, откриени при контрола на стока наменета за фирма увозник од Гостивар, пријавена за увозно царинење на царинската испостава Тетово. Пријавената вредност на производите е 5.880 евра, но доколку  би се продавале како оригинал, би достигнале вредност од 18 илјади евра.