ФАО ценовниот индекс на храната за jули драстично опадна
Објавено во: Мои пари 02 Август, 2018 14:39
Цените на извозот за житарки, млечни производи, шеќер, месо и растителни масла се намалуваат

|
Глобалните цени на земјоделските производи во јули драстично опаднаа, бидејќи сите главни трговски стоки забележаа
значителен пад, предводени од млечните производи и
шеќерот.
ФАО ценовниот индекс на храната во просек изнесуваше 168,8 поени, 3,7 отсто под нивото во јуни, што претставува најголем пад на месечно ниво од крајот на минатата година. Индексот постојано се зголемуваше во 2018 година, се до јуни. ФАО ценовниот индекс на храната е мерка за месечната промена на меѓународните цени на потрошувачката кошница. ФАО ценовниот индекс на млечните производи го предводеше падот, намалувајќи се за 6,6 проценти, при што цените на путерот и сирењето опадна побрзо од цените за полномасно и обезмастено млеко во прав. ФАО ценовниот индекс на шеќеротопадна за 6 отсто, близу до три-годишното ниско ниво, главно поттикнато од подобрените изгледи за производство во Индија и Тајланд, двете важни земји за производство на шеќер. Очекувањата за намалено производство во Бразил, најголемиот светски производител и извозник, го ограничија падот на меѓународните цени на шеќерот. ФАО ценовниот индекс на житните култури се намали за 3,6 отсто одјуни и сега е под нивото од пред една година. Извозните цени за пченица, пченка и ориз се намалија, иако вредностите за пченицата и пченката се зголемија кон крајот на јули. ФАО ценовниот индекс на маслото од растително потекло беше намален за 2,9 отсто, негов шести последователен месечен пад, а сега е на најниско ниво од јануари 2016 година. Дел од падот во јули беше поттикнат од слабоста на пазарот на соја, кој е под влијание на трговски спор помеѓу Кина и Соединетите Американски Држави. Вредностите на маслото од семе од репкапораснаа, поттикнати од зголемената побарувачка од производителите на биодизел и негативните изгледи на растителното производство во Европската унија. ФАО ценовниот индекс на месото забележа пад од 1,9 отсто во однос на вредноста во јуни, која беше ревидирана во пресрет на повисоките извозни цени од Бразил поради штрајкот на транспортните работници. |
Можеби ќе ве интересира
ТАВ Македонија го прослави 3 милионитиот патник во една година на Меѓународниот Аеродром Скопје
Македонија2025 со рекордни резултати во 2025: поддржани 2.573 лидери и таленти, 168 бизниси и 190 стипендисти
Дијалог меѓу традицијата и современоста во Скопје Cити Mол
СО ПОДДРШКА ОД ВИДЕОЛОТАРИЈА КАСИНОС АВСТРИЈА, ОПЕРСКАТА КЛАСИКА „СЕВИЛСКИОТ БЕРБЕР“ ВО МОБ
Како пензиските заштеди стануваат дел од иднината на целото семејство
Празничен промо депозит од ПроКредит Банка - Повеќе добивка за одличен старт на 2026
Louis Latour — Вечер на луксуз и бургундска елеганција во Salvatore
ЏАМБО пристигнува во Гевгелија: Нова голема инвестиција во локалната економија и реализација на ветената експанзија





