Ферпшед со пад на добивката од 19% во 2012 година

Добивај вести на Viber

Шпедитерската групација Фершпед 2012 година ја заврши со намалени приходи и намалена добивка, покажува финансискиот извештај на компанијата објавен на Македонска берза. Според податоците од консолидираниот финансиски извештај, шпедитерот лани остварил вкупни приходи од 3,74 милијарди денари или 61 милион евра, што е за 18% помалку споредено со претходната година. При тоа приходите од продажба бележат пад од 17%, на вкупно 60 милиони евра во каде што продажбите на домашен пазар се намалиле за 4%, а на странски пазар бележат намалување од 47% на вкупна реализирана продажба на странски пазар од 11,4 милиони евра. Фершпед 2012 година ја заврши со добивка од 1,6 милиони евра што е за 19% помалку споредено со добивката од 2,04 милиони евра реализирани од претходната година. Намалената добивка во 2012 година најмногу се должи на пресметаната загуба од 414 милиони евра во последниот квартал од годината. Фершпед е е друштво за меѓународна и внатрешна шпедиција со јавни и царински складишта. Услугите на компанијата од областа на транспорт, шпедиција, царинење, складиштење ги користат најголемите претпријатија во Македонија, како и фирми од балканските  земји, западна и источна Европа. Освен со шпедиција како основна дејност, компанијата се занимава и со меѓународна трговија, брокерство, банкарство, хотелиерство, винарство и игри на среќа преку  купување акции во тие дејности од стопанството