„Фершпед“ стана мнозински сопственик на Лотарија на Македонија, акциите надминаа 3 илјади евра

Добивај вести на Viber

Не престанува растот на акциите на Фершпед, компанијата која стана мнозински сопственик на Лотарија на Македонија АД Скопје. Денеска акциите пораснаа до околу 3250 евра, додека истовремено компанијата е споменувана  војавноста со битка за превласт меѓу досегашните фронтмени Штерјо Наков и Кираца Трајковска. Превирањата во компанијата изминатиот период доведоа до драматичен раст, а ако пред помалку од еден месец акција се продаваше под 1000 евра, сега цената е триа пати поголема. Како што покажуваат податоците од „Македонска берза“, минатата недела беа истргувани акции за околу 1 милион евра, при што за само еден ден во блок трансакција минаа половина милион евра. Во меѓувреме компанијата стана мнозински сопственик на Лотарија. „Лотарија на Македонија АД Скопје известува дека на ден 13.12.2013 година, „Фершпед“ АД Скопје преку трговска трансакција на Македонска берза АД Скопје се стекна со 10.125 акции од Лотарија на Македонија АД Скопје кои беа во сопственост на Фондот за ПИОМ“, стои во соопштението од Македонска берза. Вонредно акционерско собрание е закажано за 10-јануари следната година. Тогаш ќе биде познато дали ќе има промени во структурата на менаџментот на компанија.