ФФРМ ќе го презентира проектот „AGRO-STAR”
Објавено во: Агробизнис 28 Март, 2013
Федерација на фармерите на Република Македонија денеска организира презентација на проектот „Транснационална мрежа за поддршка на мали и средни претпријатија од областа на сточарството и растително производство - AGRO STAR” кој е финансиран од Европската унија, од под програмата Транснационална соработка во Југоисточна Европа.
Целта на проектот, што ќе трае две години, е да се зголеми конкурентноста на малите и средни претпријатија и да се промовира и имплементира иновативно претприемништво преку одговарање на потребите за специфична поддршка на претпријатијата од областа на растителното производство и одгледување на животни со транснационален пристап.