Филипче: Денес за прв пат имаме повеќе оздравени отколку активни случаи
Објавено во: Македонија, Корона Вирус 30 Април, 2020
Денеска се регистрирани 111 оздравени пациенти, изјави министерот за здравство, Венко Филипче на прес-конференција.
Вели дека денес за прв пат имаме повеќе оздравени отколку активни случаи.
Регистрирaни се четири смртни случаи.
Се работи за луѓе од Скопје, Гостивар, и две лица од кумановско Лопате и од Горно Којнаре.
Има потврдени 23 нови случаи на Ковид 19, соопшти министерот.„Утрово разговараме на Комисијата за заразни болести, и констатацијата е дека се намалуваат индикациите за тестирања, како во пунктовите и во приватните лабаратории, и ова оди во насока на стиштување што го очекувавме во овој период“, вели Филипче.
Додаде дека има протоколи изготвени за јавен превоз, работа на фабрики, и други субјекти, и тие ќе бидат презентирани идната недела. Со ова ќе олабавуваат мерките постепено. Денес за прв пат е екстрахирана плазма од двајца пациенти и таа ќе биде аплицирана на други пациенти.
Во однос на карантинот, полицискиот час, Филипче смета дека за земјава се одбрани соодветни мерки.