Филипче: Има шест починати, 22 нови случаи, и 36 оздравени
Објавено во: Македонија, Корона Вирус 28 Април, 2020
Денеска се регистрирани 36 оздравени пациенти, изјави министерот за здравство Венко Филипче денеска на прес-конференција.
Има и шест починати, двајца од Прилеп, двајца од Скопје, и пациентка од Тетово.Пред два дена почината е жена на Клиниката за онкологија, и позитивниот тест стигна вчера.
„Направени се 362 тестирања, регистрирани се 22 нови случаи“, рече Филипче.
Oд потвредените во Скопје се 11, во Куманово 2, во Струга 1, во Велес 3, во Кавадарци 2, во Гостивар 2 и во Неготино 1.
Вкупната бројка на потврдени е 1.421, оздравени се 589.
Тој објасни дека во петок, сабота и недела ќе биде дозволено движење на граѓаните од 5 часот наутро до 14 часот.Министерот вели дека факторот на трансмисија е под 1 во земјата, а се прават анализи и во регионите.
„Ја израмнивме кривата на епидемијата, не го оптоваривме здравствениот систем“, додава Филипче.
Потсети дека мора да се носат заштитни маски.