Филипче: Од денес се во функција 14 центри за тестирање
Објавено во: Македонија, Корона Вирус 23 Март, 2020
Mинистерот за здравство, Венко Филипче денеска на прес-конференција изјави дека ноќеска на Инфективната клиника почина маж на возраст од 63 години од Дебар.
Тој рече дека луѓето кои имаат белодробни заболувања се во ризична група, но тоа може и да не биде правило. Во светот се покажало дека има различни случаи.
Во земјава има нови 22 случаи, а вкупно досега 81 лице има во Скопје, односно најголем број од заразените се од главниот град.
Од денес се во функција 14 центри за тестирање во целата земја.
Сите близу 1.200 матични лекари ќе бидат вклучени во процесот.
„Секој еден пациент може да се јави кај својот матичен лекар, на кој ќе ги каже неговите симптоми, и согласно податоците матичниот лекар веќе има електронски алгоритам кој ќе покаже дали има потреба од тестирање или не“, рече Филипче.
Ќе бидат замени брисеви, и граѓаните ќе бидат известени за резултатите.
Се размислува и за зајакнување на мерките, посебно за граѓани во ризична група кои се над 65 години.