Филипче: Свадбите не беа дозволени, сe правеа на диво
Објавено во: Македонија, Корона Вирус 02 Ноември, 2020
Министерот за здравство, Венко Филипче во Само вистина на Канал 5 вечерва изјави дека опозицијата не е конструктивна, и праша дали во сите земји каде расте бројот на заразени со коронавирусот, министрите за здравство треба да поднесат оставки.
Вели дека со мерките кои ги предложија за десетина дена ќе имаат првични, а за месец дена повеќе информации за тоа како мерките делувале на бројот на заразени.
Филипче кажа дека ја следат ситуацијата и може да дадат и некои дополнителни рестрикции.
„Свадбите никогаш не беа дозволени, свадбите се правеа на диво“, рече министерот.
Повика сите кои можат да работат од дома, и во јавниот, и во приватниот сектор.
Последно е растурена свадба во Добридол, во околината на Гостивар.
За 24 часа во Македонија има 21 починат од коронавирусот.
Во земјава има и нови 565 заразени со вирусот.