Филипче: Во критична состојба се седум пациенти
Објавено во: Македонија, Корона Вирус 27 Март, 2020
Министерот за здравство, Венко Филипче денеска на прес-конференција изјави дека има нови заразени во земјава, со што вкупниот број сега е 219.
Филипче вели дека досега се направени 1.800 тестови. Ова е од почетокот на процесот на тестирање досега.
„Нема потреба сами да одат граѓаните, тие можат ако им е препишана таа мерка да го контактираат локалниот епидемиолог“, вели министерот за тестирањето.
Тој рече дека болницата во Дебар работи со помал капацитет, затоа што нема наплив на нови случаи.
„На Инфективна се хоспитализирани 41 пациент, седум од нив во потешка здравствена состојба, 27 се средно тешки и седум со поблаги симптоми“ – истакна Филипче.
Според него, во Заводот за рехабилитација уште траат анкетите, земени се брисеви од 18 граѓани.