Фискална во рака, за среќникот од Прилеп автомобил без мака!

Добивај вести на Viber

Второто извлекување за наградната игра Фискална во рака-награда без мака се реализираше на вечерва МТВ1. Прилепчананката Јанкова Перица вечерва имаше најмногу среќа во наградната игра, Фискална во рака, награда без мака. Нејзиниот коверт со 20 фискални сметки беше извлечен од купот со пликоа.Покрај вечерашната главна награда, во ова извлекување беа извлечени и 150 вредносни ваучери, во вредност од 1.000 - 60.000 денари. Извлекувања од наградната игра ќе се реализираат секој месец до крајот на 2014та година. Во сите извлекувања редовни награди се автомобил и 150 вредносни ваучери од 1.000 до 60.000 денари, а во седмото (кое ќе се реализира на 30.06.2014) и тринаесеттото (кое ќе се реализира на 29.12.2014), покрај за редовните награди ќе се извлекува и за главните награди - стан во Скопје и продажен простор во Скопје. Во седмото извлекување за наградите стан и продажен простор ќе учествуваат и неизвлечените коверти од второто заклучно со шестото извлекување, а во тринаесеттото, за извлекување на наградите стан и продажен простор ќе учествуваат неизвлечените коверти од осмото заклучно со дванаесеттото извлекување. Државна лотарија на Македонија, постави отворен пункт за оставање коверти за учество во наградната игра Фискална во рака - награда без мака, на Плоштад Македонија во Скопје на две локации: 1. во продажниот салон на ТЕХНОМАРКЕТ во Сити Галери (работно време секој ден освен недела од 9 - 21:00 часот) 2. пред продажното место ТОЛЛАКС на ул. Македонија (работно време секој ден од 8 - 24:00 часот) Граѓаните ковертите со по 20 фискални сметки (валидни со најран датум од 15.11.2013), лист со лични податоци и напишана адреса на приредувачот со напомена За наградна игра Фискална во рака - награда без мака, ќе може да ги оставаат во тек на работното време на горенаведените продажни места, и секако, може да ги оставаат во наменската кутија во зградата на МРТ. Третото извлекувањеќе се реализира на 24.02.14 од 20часот ма МТВ1. Во него ќе бидат извлечени 1 автомобил и 150 вредносни ваучери