Фицо: Еврозоната некој ќе ја напушти

Добивај вести на Viber

 Словачкиот премиер Роберт Фицо смета дека еврозоната не може да преживее во сегашната форма и една или две земји ќе ја напуштат. - Ќе дојде време кога некои земји нема да можат да можат да ги исполнуваат своите обврски и да го одржуваат темпото на консолидација на јавните финансии. Една или две земји нема да останат во еврозоната, изјави Фицо за чешките медиуми. Според него Грција не ги исполнува своите обврски и затоа важно е за Грција да се подготви „контролирано заминување“ за да нема последици по економскиот развој на Словачка. Словачка е единствена земја која во 2010 година одби да учествува во финансиската помош на Грција. Владата на Фицо усвои строги мерки за штедење со цел да се држат под контрола државните финансии по економската криза. Ослабената побарувачка на словачките производи во светот и мерките за штедење, според словачкото Министерство за финансии идната година ќе ја намали економијата на Словачка, која е втората најсиромашна земја во еврозоната. Словачка влезе во Европската унија заедно со Чешка во 2004 година, а пет години подоцна ја смени својата национална валута во евро. Чешка нема во план тоа да го стори во догледно време.