Добивај вести на Viber
Иновативниот нискотарифен авиопревозник flydubai на 19 јануари 2013 година ќе ги почне летовите од Дубаи до Мале, главниот град на островската земја, а со тоа оваа атрактивна туристичка дестинација ќе биде поблиска до македонските граѓани за подостапни цени.
-Навистина сме возбудени што го додадовме Мале во нашата мрежа со дестинации. Како прв нискотарифен превозник од ОАЕ до Малдиви, ние уште повеќе го приближуваме овој островски рај до патниците од целата наша мрежа. Со помош на иновациите и извонредната услуга, flydubai нуди посебен нискотарифен модел. Оваа понуда се покажа како многу популарна меѓу нашите патници и несомнено ќе биде привлечна за сите што сакаат да го искусат едно од врвните светски места за одмор по достапна цена", изјави Гаит Ал Гаит, извршен директор на flydubai.
Почетната цена на повратните билети од Дубаи до Мале е околу 370 евра. Во оваа сума влегуваат сите такси плус едно парче рачен багаж што тежи максимално седум килограми и една мала лаптоп или рачна торба. За пријавен багаж до 20 килограми се плаќаат дополнителни 10 евра, а за седиште со повеќе простор треба да се доплати околу 20 евра.