ФОКУС НА ДЕНОТ: Фетаи тврди дека нејзините предмети се „чисти“, Кичеец на распит во ОЈО
Објавено во: Македонија 19 Август, 2019
Обвинителката од СЈО, Фатиме Фетаи за ТВ21 вели дека три и пол години работела против криминалот и нејзините предмети се чисти. Вели дека тие не можат да се компромитираат и дека ќе се бори до крај.
Таа не даде конкретен одговор дали се дистанцира од специјалата јавна обвинителка, Катица Јанева.
Фетаи не сака да го коментира случајот „Рекет“.
Таа одби да даде коментар пред денешниот почеток на судењето за предметот „Титаник 3.
– Не би можела да коментирам за тоа. Постапката „Рекет“ ја води друго Обвинителство кое што е надлежно. За тоа навистина не сакам во ниту еден момент да се мешам, нагласи Фетаи, додавајќи дека најважно е СЈО што продолжува со својата работа.
Утрово во скопското обвинителство на распит биле Зоран Милески Кичеец и пензионерката Лилјана Тодоровска.
Тие како што пренесе А1.он биле да дадат исказ за случајот „Рекет“.
Имено, Тодоровска е жената на чија сметка пристигнале 720 илјади евра од ГП Пелистер на Силјан Мицевски, а веднаш по вадењето на пари од банка, ќесата со евра и е земена од претставници на Меѓународниот сојуз Скопје на Боки 13.
Откако Бојан Јовановски беше уапсен таа се правдаше дека парите и биле земени уште во банка од ретставнциите на меѓународниот сојуз, но зесега е нејасно каде завршиле со оглед дека од проектот нема ништо.
Во следните седум дена возачите ќе точат горива по цени кои денеска РКЕ ги корегираше.
Почнувајќи од полноќ бензинот ќе се купува по непроменливи цени. Тоа значи дека Супер – 95 и Супер – 98 ќе се точат за 66,50 и 68,50 денари по литар.
Од друга страна, дизелот бележи скок на цената за половина денар и ќе се точи за 60,50 денари по литар.