Добивај вести на Viber
Македонија го зазеде 37-мото место на листата на американското списание „Forbes“ на држави најпогодни за водење бизнис, каде што се најдоа вкупно 141 земја.
Категориите монетарна слобода и бирократија и донесоа најдобри резултати на Македонија, односно во овие категории се најде на второто и петтото место. Во категоријата заштита на инвеститорите е рангирана е на 19-то место, во даночната политика е на 22-ро, слободата на тргувањето и донесе 48-мо место, а според корупцијата, личната слобода и технологијата се најде на средина на листата. Најслаба страна се сопственички права и иновации.
Македонија е подложна на економските случувања во Европа, поради силните банкарски и трговски врски, а континуиран економски раст зависи и од регионалната интеграција и напредокот кон членството во ЕУ, стои во објаснувањето на „Forbes“.
Во споредба со соседните држави, Македонија е најдобро рангирана, а следат Црна Гора (на 45 место), Хрватска (47), Бугарија (49), Турција (52), Грција (68), Албанија (74), БиХ (85) и Србија (90). Од поширокото опкружување, единствено Словенија е подобро рангирана до Македонија и се најде на 23 позиција.
На врвот на листа се најде Нов Зеланд, а по него следат е Данска, Хонгконг, Сингапур, Канада и Ирска.