(ФОТО) Баздникин отиде кај Заев да му каже дека е прифатено новото име

Добивај вести на Viber

Амбасадорот на Русија во Скопје, Сергеј Баздникин, на премиерот Зоран Заев му врачи копија од нотата на Министерството за надворешни работи на Руската Федерација, согласно која врз основа на одлуката на рускиот претседател Владимир Путин се признава новото име на нашата земја - Република Северна Македонија.

„Посебно внимание на средбата беше посветено на поттикнувањето на можности за зголемување на економската соработка, за што како особено значаен податок за потенцијалите говори фактот дека извозот на свежо овошје и зеленчук во јануари оваа година е зголемен за 90%, во споредба со истиот месец во 2018 година.
Во таа насока, интензивирањето на економската соработка се очекува да биде централна тема на наредната сесија на Мешовитата владина комисија за трговско-економска соработка меѓу двете земји која треба да се одржи во Скопје“, соопштија од Владата.

За оваа вест голем интерес има и кај грчките медиуми, а претходно ставот на Русија беше дека Преспанскиот договопр треба да се разгледа во Советот за безбедност во ОН.