(ФОТО) Центар ги тргна дивите тезги од „Зелено пазарче“
Објавено во: Македонија 24 Септември, 2019
Комуналната инспекција на Општина Центар денес интервенираше во просторот околу Зелено Пазарче и ги тргна дивите тезги поставени на приодите кон зградите и „Зелено пазарче“ кои со години претставуваа нелојална конкуренција и го узурпираа просторот.
„Дивите препродавачи на производи се дислоцирани, а пешачките улички и патеки во околината се повторно слободни и проодни“, објави Саша Богдановиќ, градоначалникот на Општина Центар.
Богдановиќ апелираше до сите препродавачи да се придржуваат до одредбите за користење на јавната површина и дека производите ќе им бидат одземени, а согласно законите ќе им биде изречена парична глоба.