Добивај вести на Viber
Владата вчера одлучи да се врати повторно оградата од ковано железо и да биде поставена околу владината зграда. Новиот директор на Службата за општи и заеднички набавки, Ивица Тимовски, објави фотографии во каква состојба е денес оградата што беше отстранета пред пет и пол години.
„Оградата е лоцирана и истата е во незавидна состојба, што може да се види и од фотографиите. Она што е посебно фрапантно е акутната негрижа кон државниот имот. СОЗР ќе направи напори со сопствени сили да ја стави оградата на нејзиното вистинско место во најкус период“, напиша Тимовски на својот профил на социјалните мрежи.
Два метри високата ограда од ковано железо беше поставена во 2015 година, откако пред владата се одржаа серија протести поради објавените „бомби“ за прикривање на убиство на младиот Мартин Нешкоски
Металниот дел од оградата беше отстранет во февруари 2019 година, за време на владеењето на Социјал-демократскиот сојуз на Македонија а останаа само столбовите.