ФАКТОР НА ДЕНОТ: Мицкоски за Судскиот совет вели дека нема повеќе удобни фотелји, туку одговорност
Објавено во: Македонија 05 Јули, 2024
МИЦКОСКИ НАЈАВУВА ОДГОВОРНОСТ
Нема повеќе удобни фотелји, туку одговорност. Премиерот Мицкоски не се откажува од темелни реформи во Судскиот совет и Советот на јавни обвинители. Наместо да се засрамат тие продолжуваат да ги трошат народните пари и се закануваат, вели Христијан Мицкоски.
Тој ја повика фелата на разговори за подобрување на правосудниот систем за кој вели дека промени се неопходни.
Откако премиерот Христијан Мицкоски вчера кажа дека станало практика амбасадори да се мешаат во внатрешните работи на државата, евроамбасадорот Дејвид Гир потсети дека владеењето на правото е клучно за влез во Европската Унија(ЕУ).МАКЕДОНЦИТЕ ОД АЛБАНИЈА БАРААТ ЗАШТИТА ОД АЛБАНСКАТА, НО И ОД МАКЕДОНСКАТА ВЛАДА
Има проглас за семакедонско обединување против големобугарската политика во Албанија.
Некогашниот градоначалник на Пустец, Едмонд Темелко, во името на Друштво Преспа до медиумите го испрати прогласот за семакедонско помирување и обединување во Албанија упатен до сите македонски национални друштва и политички организации, како и до партијата Македонска алијанса за европска интеграција.
ТАРАВАРИ ИНСИСТИРА НА НОВИ ВРАБОТУВАЊА НА ОНКОЛОГИЈА
На Клиниката за Онкологија и радиотерапија недостигаат медицински сестри, техничари, радиолози, физичари и лекари, информираше денеска миснитерот за здравство, Арбен Таравари, кој заедно со директорот на оваа Клиника, Игор Стојковски, и вработените ќе подготват специјален извештај за недостигот. Ваквиот извештај, како што рече Таравари, ќе биде разгледан следната недела на седница на Владата.
„Во следниот период јас како министер за здравство ќе инсистирам да се дозволат вработувања, да не ги преоптоваруваме вработените. И така цела Македонија гравитира само тука. Се работи за 100 лежечки пациенти и 50 што се водат амбулантски. Ни преостанува идната недела да имаме конкретни барања од Клиниката и потоа заедно со директорот и со министерката за финансии да побараме, да вршиме притисок, по секоја цена да ѝ дадеме приоритет на Онкологија за да може нормално да функционира. Ваквото функционирање и за пациентите е тешко, меѓутоа, реално, за медицинскиот кадар е претешко“, рече Таравари.ЧИТАЈТЕ УШТЕ
фото Фејсбук/Христијан Мицкоски